[W]ir^a Albrecht von gocz genaden herczog ze Osterreich, ze Steir, ze Kerenden und ze Krain, grave ze Tirol etc. enpieten unserem lieben getrewn Otten von Meissaw, obristen marschalhen und obristen schenken in Osterreich, unser gnad und alles guet. Als die erberen geistleichen unser lieb andechtig^b . . der prior und der convent zu Achspach ain vischwaide under dem Achstain gelegen, darumb si und der Neyperger mit einander czwaÿg sind gewesen, vor uns mit dem rechten erlangt und behabt haben nach laut unsers gerichtbrieffs daruber gegeben, also emphelhen wir dir erenstleich, das du die obgenanten klosterleÿt derselben vischwaide unverczogenleich nucz und gwer seczest und si vestikleich dapeÿ haltest und schirmest zu dem rechten. Daran begestu^b unser maÿnung. Geben zu Melkch an montag nach sand Elspetentag anno etc. XL^c XVIIII.

Source Fulltext: FUCHS, Aggsbach (=FRA II/59, 1906) S. 226