Ich Jorig Schawr zu Seyterndorff bekenn für mich und all mein erben und tuen kund offenleich mit dem gegenburtigen brief allen la^euten den er furkumbt und gezaigt wirdt, das ich mit wolbedachten muet und gueten willen und mit purkherren hand, zu der zeit da ich das mit recht wolgetuen macht, recht und redleich durch sunder lieb und trew willen gefuegt und gemacht hab, fueg und mach auch wissenleich in kraft des briefs meiner lieben eleichen hausfrawn Dorochtea⁴ Hainreichs des Zebleins⁵ zu Permanstal tachter nach dem landes⁵ recht in Österreich die hernach geschriben stuckh: item von erst das halb lechen gar das ich zu ir pracht hab und da wir iecz hausleich auf siezen und auch mein tail an dem halben lechen das wir mit ein ander erchauft haben, und von dem ganzen lechen allen mann⁵ jerleich dient zu dem gotzhaus gen Axpach funfthalben und achtzigkch phening an sand Michels tag und drei meczen habern auch an sand Michels tag, und zwen ches zu den phingsten; item mein tail an aim weingarten genant der Tallinger gelegen im Chirichgraben, den wir auch mit ein ander erchauft haben, da von man jerleich dient zu dem gotzhaus gen Pebrann⁶ vir phening an sand Michels tag zu ainem jartag; item mein tail an aim akcher den wir auch mit ein ander (er)kauft⁵ haben und da von man jerleich dient zwen phening an sand Michels tag auch zu dem goczhaus gen Pebrann⁶ zu dem iecz benanten jartag, item ain wissen gar gelegen zu Princzeldarff, da von man jerleich dient zu der herschaft gen Mollenberg ain wienner helbling an sand Jorigen tag, item aber ain wissen genant die Tal wissen, dew ich zu ir pracht hab auch gelegen zu Princzeldarff und da von man jerleich dient in der Raydin hoff ze Princzeldarff ain phening an sand Michels tag. Ich hab ir auch die obgenannten stuckch alle gefuegt und gemacht in solicher mainung: ist das ich und mein obgenante liebe hausfraw chinder mit einander gewunen, dar auf soll dann erst nach unser paider tod die obgenanten⁵ stukch mit all ir zue gehorung ledigkleich erben und gefallen an alle irrung. Wa^eer aber das ich mit dem tad abgieng, ee dan die benant mein liebe hausfraw und ich ir nicht chinder lies, dew wir mit einander hieten oder ob ich ir chinder lies dew wir mit einander hieten, dew auch vor ir ee abgiengen dan si, so scholl si dannoch¹ die obgenanten stukch alle mit all ir zuegehorung unverchümert ir lebtäg inhaben nu^eeczen und niessn, als solichs gemechts und landes in Österreich recht ist, und dan nach irem tad her wider erben und gefallen auf mein nagst erben, da hin es dan rechtleich erben und gefallen soll angeva^eer.. Auch hab ich der vorbenanten meiner lieben eleichen hausfrawn ledigkleich vermacht all mein varunde hab wie ich dew mit tad hinder mein las, nichts dar in ausgenomen noch hin dan gesaczt; da mit mag si wol all iren frumen geschaffen, wir² ir das am pesten fuegt, an all meiner erben irrung und hindernuss angevar. Auch pin ich obgenanter Jorig Schawr und all mein erben der egenanten meiner hausfrawn des vorgenanten gemechten ir rechter geber scherm und furstand fur all ansprach, wo ir des mit recht nat beschiecht, als solichs gemechts und varunder hab zu verlarem guet im land ze Österreich recht ist; gieng ir aber daran icht ab oder ob ir chrieg oder ansprach darumb icht auf erstůnd³, es wa^er von mir oder mein erben oder von wem das wär, mit dem rechten davon si in scheden chem, den selben schaden, wie der genant ist, soll ich ir genzleich ablegen und widerkeren, und soll si auch das alles haben dacz mir, meinen erben und auf allen ünserm⁴ guet, wo wir das indert haben gewinen oder hinder unser lassen, es sei erib oder varundguet, nichts darin ausgenomen, da soll si dan ir scheden aller genzleich [von]⁵ bechomen als recht ist, als lang unz sei⁶ wolgenuegt; das ist unser guetleich wil und wart, wie sein lembtig oder tad. Und des zu ainer waren urkund u[nd]⁵ sicherhait des ob geschriben gemechts so gib ich obgenanter Jorig Schawr fur mich und all mein erben meiner vorbenanten lieben eleichen hausfraun [den] offen brief besidelten⁷ mit des erbirdigen und geistleichen herren herrn Vinczencen die zeit prior ze Axpach anhangunden insigel und mit des edeln Erharten des Zwingendarffer die zeit purkgraf zu Mollenberg, und Mathessen des Fleischezzen zu Streytbessen auch paider an hangunden insigeln, darumb ich sew all drei mit vleis gepeten hab, das sew das obgeschriben gemecht damit bestet und auch bezeugt habent in und all iren erben an schaden und dem gotzhaus ze Axpach und der herschaft zu Mollenberg unengolten an iren rechten und under die drew insigel⁸ ich mich obgenanter Jorig Schawr und fur all mein erben verpind mit meinen trewn an aid stat, alles das war und stete ze haben das an dem brief geschrieben stet. Der geben ist am mantag nach sand Pawls tag seiner becherung, nach Christi gepurdt vierzehen hundert jar dar nach in dem acht und dreisigtisten jare etc.

Source Fulltext: LAMPL, Nachträge (1907) S. 201-202.