Wir Albrecht von gotes genaden herczog ze Osterreich, ze Steir, ze Cherenten und ze Krain, markgraff ze Merheren und graff ze Tirol etc., bekennen und tuen kund offenleich mit dem brieff, das fu^er uns kam der erber geistleich, unser lieber andechtiger brueder Hans Span, die zeit prior des klosters unser lieben fraun parten ze Achspach, Karthuser ordens und Passawer pistums, und pat uns diemuetikleich anstat sein selbs und der conventbrueder daselbs ze Achspach in zu vernewen und ze bestetten das nachgeschriben privilegi und hantvest, so in und ÿerm goczhaus weylent der hochgeporen furst, unser lieber herr und en‚ herczog Albrecht, herczog ze Osterreich etc., dem got genedig seÿ, gegeben hat, als das von wart zu wart hyenach geschriben stet: folgt Nr. 42 mit der Intitulatio und dem Datum und dem Verweise auf Folium 4 inseriert. Und wann wir obgenanter herczog Albrecht unser vorvaderen seligen gu^etteten in allen sachen und sunderleich den, die geistleiche ornung anruerent, billeich nachvolgent sein, haben wir angesehen die lautter begirde und lieb, so der egenant unser herr und en zu dem vorgemelten orden und goczhaws hat gehabt, und auch die ordenleichen goczdinste, die tegleich mit singen und lesen in demselben goczhaus werdent volbracht und haben darumb got dem almechtigen, seiner lobsamen mueter, der heyligen junkfrawn Marie und allen heyligen zu lob und zu eren dem egenantem prioren, convent und yerem goczhaus ze Achspach dye vorgeschriben hantveste und privilegi in von dem vorgenanten unserm herren und ennen gegeben mit allen punten und artikeln, die darin begriffen sind, von furtstler^a macht von neun dingen besweret vernewet und westet, bekreftigen vernewen und westetten in auch die wissentleich mit krafft dicz brieffs in aller der mass, als das dieselb hantvest von wart zu wart innhalt, und manen und wellen auch gar erenstleich, das dieselben geistleichen lewt ir nachkomen und dasselb goczhaws pey solhen irn genaden freyhaiten rechten und lobleichen gewanhayten hinfur ewikleich an menikleichs irrung und hindernuss genczleich weleiben. Davon gepieten wir vestikleich unseren lieben getreun, unserm lantmarschalich in Osterreich, allen herren, ritteren und knechten phlegern burkgraven richtern und reten und purgeren und auch allen anderen unseren undertanen und getreun gegenburtigen und kunftigen, den diser brieff geczaigt wirt, und wellen erenstleich, das si die egenanten klosterleit und ir nachkomen peÿ diser unserr bestettung genczleich und ungeirt lassen beleibe und si auch dapeÿ von unseren wegen vestikleich halten und schirmen und dawider nyemand ze tuen gestatten in dhain weg. Wer aber dawider ta^et, der wer swerleich wider uns und solt auch solcher pen und puess vervallen sein, so in dem obgeschriben privilegi wegriffen sind ungeverleich mit urkund des brieffs versigelt mit unserm grossen furstleichen anhangunden insigel. Geben ze Wyenn am freitag nach sand Paulstag conversionis nach Christi gepurde vierczehenhundert jar darnach in dem neunundczwainczigisten jar.

Source Fulltext: FUCHS, Aggsbach (=FRA II/59, 1906) S. 277-278