Wir Lasslaw von gotes gnaden zu Hungern, zu Behenn, Dalmacien, Croacien etc. kunig, herczog zu Osterreich und marggrave zu Merhern etc., bekennen, als der allerdurleuchtigist furst, unser lieber herr und vetter, her Fridreich romischer kaÿser, dieweil er dannoch romischer kunig und unser vormund ist gewesen, den ersamen geistlichen, unsern lieben andêchtign . . dem prior und convent zu Akspach vi^er guter daselbs und ain holcz am Durrnperg gelegn, die in Caspar Wisendorffer und Dorothea sein hausfraw geben habent, unserr lehenschafft geaigent hat, als der brief darumb ausgegangen innehalt, daz wir unsern willen und gunst darczu geben und das bestêtt haben und bestetten wissenleich mit dem brief, was wir im zu recht daran aign su^ellen oder rnu^egen, die nu fu^erbazzer in aigens weis innezehaben ze nu^eczn ze niessen und iren frumen damit ze schaffen, als mit anndern iren und ires gotzhawss gůtern und als aigns und lanndesrecht ist. Wir verzeihen uns auch der manschafft und lehenschafft daran ungevêrlich mit urkund des briefs. Geben zu Wienn an freytag vor dem suntag judica in der vastn nach Kristi geburde vi^erzehenhundert und drewundfunfczigisten jar, unserr kro^enung unsers reichs des Hungrischen im drewczehenten jar.

Source Fulltext: FUCHS, Aggsbach (=FRA II/59, 1906) S. 304