Вь Христа Бога благовѣрны и самодръжъць въсѣмъ Сръблѥмъ, христолюбивı Стефанъ кнезь Лазаръ. Да ѥст вѣдѣмо въсакому ѥмуже |2| даруѥтъ Богь по мнѣ ѡбладати землѥю, како ѥ доходиль прѣд ме игумень хиландарскы Сава Голѣмовь брать и съ нимь старци |3| на име Аөанасїе Высимьчь и другы Аθанасїе Мрасорь и инїи прочїи старци. И позваше Црѣпа на судъ прѣд ме за Црьковь што ѥ |4| сьзидаль ѥговь ѡтьць Влькославь у своѥи баштинѣ у Петрусу, на мѣстѣ рекомѣмъ Лѣштїи и приложилъ под Хиландаръ. И за тои |5| имь азь не хотѣх судити, нь их послах на законь прѣд господина и ѡтьца ми прѣѡсвештеннаго патрїарха Ефрема. И тьгаи се нѣсу прѣли, нь по|6|ставише рокь ѥдинь на Богоıавлѥнїе, а другы на Благовѣштенїе, а третїи рокь на Спасовь дьнь. И приш`ль ѥ на Спасовь дьнь на рокь |7| Герасимь Влъковь брат и Германь и Өома икономь крушевскы и Гервасїе и друзїи старци и стали су на судѣ с Црѣпом. |8| И ѡни су изнесли хрисовуль цара Уроша, како ѥ записаль Влькославь прѣд царемь ѡнуи црьковъ под Хиландаръ. И Црѣпь ѥ изнес`лъ |9| хрїсовуль цара Стефана, како ѥ записаль ѡнуи пустошь царь вь вѣчноѥ утврьжденїе Влькославу и ѥговѣ дѣцѣ и уноучїю |10| до вѣка и другы хрїсовуль цара Уроша, такождере утврьжденїе и записанїе, сему непотворену быти ни ѡт кога, развѣ како ѥ |11| волıа Влькославу и ѥговѣ дѣцѣ, любе подложити под црькву, или у прикїю дати, или кому харизати, или инамо продати |12| како свою сушту баштину. И третїи хрїсовуль, вину цара Уроша, како ѥ сьздаль Влькославь црькву съ сынома своима Дрьманомъ |13| и Црѣпом и зговоривше се подложише ю под Хиландарь прѣд царем Урошемь, како да ѥст помень Влькославу и ѥговѣмъ дѣцам |14| до вѣка. И неустроѥнну бывшу того монастыру ѡт братїе приходештих хиландар`скых ѡбладаюштих тѣмзи монастыремь |15| и уничижившу се в`са реченнимь хтиторомь, паче же ѡпустѣвшу до послѣднıаго запустѣнїа. И вса тази видѣвь стар`ць |16| Дїѡнисїе и брать ѥго Црѣпь, сь великою жалостию исповѣдали цару Оурошу ѡ запустѣни и затрени монастыра тога |17| ѡт владуштих хиландар`скых, како да си узму къ себѣ ѡпеть свою црьковь баштинну да си ю дрьже и ѡбладаю номь, а Хи|18|ландарь веке да не има ѡбласти ниѥдне. И царь Урошь вратиль црькву Дїѡнисїю и Црѣпу и ѡни приѥмше свою црькву |19| къ себѣ, записали хрисовуль у цара Уроша и подложили села и блата и рѣке и ѡвоштїа не мала. Сиıа же в`са видѣвь и про|20|чьть прѣѡсвештенны патрїархь Ефремь и съвештав` се съ митрополити ı епископи и сь властели и сь в`сѣмь клиросомь Вели|21|кые црькве, присудиль црькву Црѣпу. И записал му хрисовуль съ клетвами и запрѣштен`ми многыми, ıако не посуди|22|ти се ни потворити ѥгову суду ни ѡт ѥдиного патрїарха хотештих прѣдръжати прѣстоль сиѥ Великые црькве. Понѥ|23|же бо сьставиль бѣ Дїѡнисїе съ вьзлюблѥннимь братомь своимь Црѣпомь апостолскоѥ и духовноѥ сьбранїе ѡбштеѥ жи|24|телство и сьборь духовных мужїи не маль и ѡтьчьскыми канони и закони управивша шьствовати не заблудними |25| стьзами, ниже сланаго моора влънами потаплıати се, нь умнаго плаванїа кръмила дрьжеште и царскы путь женуште, |26| не укланıати се на десно или на лѣво. Сиѥ же духовноѥ сьбранїе ѡбрѣть и видѣвь прѣѡсвештенны патрїар`хь Сръблѥмь |27| Спиридонь, иже быст настолникь прѣѡсвештенному Ефрему и кь сему пришьд Црѣпь просить записанїе и духовное утвръ|28|жденїе и приѥмлѥть хрисовуль ıакоже и ѡт Ефрема. И сиıа в`са писанїа съвькупивь, хрисовуль цара Стеф[а]на како |29| да ѥст вол`нь своѡм баштиномъ и другы хрисовуль цара Уроша како су воломь приложили сь родителѥмь свою баштинну |30| црькву да си су волни и пакы узети ю и себѣ имати и хрисовуль што ѥ судь записаль како му ѥ присудиль патрїархь |31| Ефремь црькву на съборѣ и хрисовуль Спирїдона патрїарха како да нѣст вол`нь никто потворити суда Ефремова. |32| Тѣмже и азь рабь твои Стефань кнезь Лазаръ прѣчистаа моıа владычице Богородице, припадаю и молю се благои, прїими моѥ малое |33| се приношенїе, притекшаго къ прѣчистому храму твоѥму, ѡ Богомати. И благоговѣин`ствомь украшаю и приношу |34| ти си свѣтли хрисовуль и царскоѥ утврьжденїе и дарованїе, по милости владыкы моѥго слат`каго ми Христа, давшому ми сико|35|ваа дарованїа. По томужде ѡбразу прїиде кь господству ми благовѣрны властелинь и брать мои Црѣпь, просе сь мо|36|лбою ѡт господства ми утвръжденїе и записанїе. И азь видѣвь записанїа царскаа и патрїар`шьскаа съвръшена и утвръ|37|жденна, того ради записую брату моѥму Црѣпу си свѣтли хрисовуль господства ми, што ѥст приложиль прѣсветои Богородици |38| Петрушкои у Лѣштию у своѥи баштинѣ по сьмрьти Дїѡнисїевѣ кьда ѥ ѡтпрѣль монастиръ: село Лѣштїе сь всѣми пра|39|винами своими, прѣдѣль имѣѥ ѡт Сугѥ Плане у Ѡблу Стѣну и низ брьдо у локву и прѣко Брѣснице и мимо Ѡстровьчь|40|ску мегю на локвоу и нис Куси Потокь и выше Чрътиника уз Глъбокы Потокь; потомь мимо Радушину Полıану и прѣ|41|ко Мириловца, таже нис подѣлїе кудѣ катари леже и прѣко полıа в`се мегѥ до Десивовоева Села и Раина и прѣз дерезу |42| на понѣкавичку црькву и великом цѣстомь мимо Црѣпове царине и ѡпеть уз великы дѣль мимо царине прѣ|43|з дѣль гдѣ се сьстаѥта ѡба Шалудовца; потомь узь Шалудовъць мимо прѣко Ѡчина Селишта до Лаврьске меге |44| и над по земли Гунѥво Селиште у рѣку оу Мутницу и прѣз бръдо на тополу и прѣз дерезу поточцем у Ѡблу Стену у Петрусъ. |45| Село Брѣстница сь в`сѣми прѣдѣли своими, село Власи Голубов`ць сь в`сѣми правинами своими, село Видово |46| у Заструми сь в`сѣми мегıами на Вранову Тополу и посрѣдѣ Ѡстрова гльблив`скога излѣзло на Струмень на |47| Грабовы Бродь, село Сини Вирь сь всѣми старими мегıами, што ѥ дрьжаль Драгославь Ветерь з дѣцами до глада, |48| кудѣ катари леже на полѥ до велике цѣсте и низ лугь мимо Приѥздѣн[о] [С]ело и прѣз лугь на Мораву у Чрьвене брѣге |49| и уз Мораву до Врабчань и царина у Крастѣ и путь изворскы и ини в`си путове што ид[у] прѣз Кучаину оу Пе|50|трусь и блато на Годомину Мрътваа Мѡрава.

Source Fulltext: A. Mladenovic, Povelje kneza Lazara, 222-223.