CXCI.

Ich Vlreich der Trewe vnd ich Margret sein hausvrowe wir ver gehen vnd tvn chvnt allen den, die disen brif lesent oder hórent lesen, die nv lebent vnd hernach chvnftich sint, Daz wir mit vnser erben gutem willen vnd gvnst, mit verdachtem mvt vnd mit gesampter hant, zv der zeit, do wir iz wol getfin mochten, vnd mit vnsers Lehens herren hant, des edeln Hochgeborn Fvrsten Hertzoge Albrechtes ze

"">

217

Osterreich, ze Steyr vnd ze Chernden, Recht vnd redleich verchauft vnd geben haben ayn Phunt vnd zwen phenninge Wienner mvnzze Geltes, die da ligent ze Chrut auf vrbar Aekchern, mit allem dem nvtz vnd recht, alz wir dieselben gfllt in Lehens gewer herpracht haben, vmb Sechs Phvnt vnd sechtzich phenninge Wienner mvnzze, der wir gar vnd gaentzlich gewert sein, dem erbern manne Eysen- reicken von Ritzendorf vnd seiner hausvrowen vron Ofmeyn vnd allen irn erben fvrbaz ledichleichen vnd vreileichen ze haben vnd allen irn frumen damit ze schaffen, verchauffen, versetzen vnd geben, swem si wellen, an allen irresal. Vnd sein auch wir, ich Vlreich der Trewe vnd ich Margret sein hausvrowe vnd vnser erben, vnuerschaidenleich des vorgenanten Phunt vnd zwen phenninge geltes Eysenreichs von Ritzendorf vnd seiner hausvrowen vron Ofmeyn vnd irr erben recht gewern vnd scherm fvr alle ansprach, alz Lehens recht ist vnd des Landes recht ze Österreich. Waer aber, daz si mit recht an derselben gult dehainen chriege oder ansprach gewunne, von wem daz waer, swaz si dez schaden nement, daz si bei irn trewengesagen mugen, daz suln wir in alles ausrichten vnd widerchern an alle ir mv vnd an allen irn Schaden, vnd suln auch si daz haben auf vns vnd auf allem vnsern gvt, daz wir haben in dem Lande ze Osterreich, wir sein lebentich oder tode. Vnd geben in darvber disen brief zu einem warn vrchunde diser sache versigilt mit vnserm Insigil vnd mit meins vetern Insigil, hern Hainreichs des Trewen, der diser sache gezeuge ist mit seinem Insigil. Diser brief ist geben ze Wienne nach Christes gepurt drevt- zehen Hundert iar darnach in dem Nevn vnd Dreizgisten iar, des naehsten Svntages vor sant Cholmans Tage. Original auf Pergament mit zwei Siegeln.