w ir Ludwig von Gots gnaden Romischer kunig zu allen zyten merer des richs, tun kunt allen den, die diesen brief ansehent oder horent lesen, das wir vnserm lieben getru- wen Engelman von Bebingen verliehen vnd geeignet haben die salmen zuge von Knudenheimer velde bis zu Husen vor vnd ein wiese vnd das holtz, das da heisset das erlehn, ge- legen bei Udenheim in allem dem rechte, als die vorgenann- ten gut vns vnd das hertzogthum zu Bayern angehorent vnd als sie ime vnd sinen erben graf Ott selige von Zweinbru- cken verliehen vnd geeignet hat, als sin brief sagent, die sie daruber hant. Des geben wir ime diesen brief mit vnserm ingesiegel zu vrkunde versiegelt. Der geben ist zu Hey- delberg an dem nontag da man zalt von Cristus geburt druzeben hundert jare darnach in dem siebenzende jare, in dem dritten jare vnsers richs.