Dei gracia comes de Katzenelnbogen, omnibus hoc scrip- tum inspecturis credere, quod testatur. Ad noticiam singulo- rum volumus pervenire, tam presentis temporis, quam futuris, quod nos feodo, quo fidelis noster bone memorie Rudolfus de Kiselowe Heinricum de N . . ria, Hagenonem de Dalheim, Albertum et Egenonem, fratres de Lachen et Hugonem de Bruchsella, ministeriales Spirensis ecclesie, dum viverint in- vestivit et nobis per fidelem nostrum Ulricum de Sterrenvels libere resignavit, videlicet quidquid idem R. in villis Ubestat et Czotern in possessione habebat, eosdem pleno iure infeo- davimus, promittentes, quod eodem feodo investiemus omnes, quos venerabihs dominus Spirensis episcopus sibi et ecclesie Spirensi viderit expedire. Promittimus eciam eisdem in omni loco warandiam facere, ubi visum fuerit necessarium et op- portunum, iure nobis salvo, quod vulgariter dicitur Dinestat, iuxta villam Ubstat, ubi est locus ad tenenda placita gene- ralia, racione comicie specialiter deputatus, salvo eciam nobis iure comicie, secundum quod tempore dicti fidelis nostri R. bone memorie tenebamus. Profitemur eciam pu- blice, nos et heredes nostros voluntarie obligantes ad pre- dicta bona resignanda domino nostro palatino, comiti Reni, a quo ea tenemus in feodum, quantocunque venerabili domino C. Spirensi episcopo, vel eius successori visum fuerit expe- dire. Actum anno Domini MCCXXXVII. XVMI. kal. ianuarii, apud Spiram, presentibus C. maioris ecclesie, C sancti Wi- donis, et B. sancte Trinitatis prepositis Spirensibus, G. co- mite de Lewenstein, 0. comite de Eberstein, 0. de Brussella, C. de Witerstat, Simone de Katzenelnbogen, Cuonrado de Hohnstat, E. pincerna de Welresawe, Adelvolco et Alberto de Lachen, et aliis, qui rogati interfuerunt.

1237 december 15.