Fridericus Dei gracia imperator et semper augustus. No- tum sit omnibus hoc scriptum legentibus, quod quondam convenit inter canonicos Spirenses et Cuonradum de Boine- burg et Cuonradum, filium fratris sui et Albinum advocatum, qui presunt bonis eorum circa Boineburg, ut ipsi de eisdem bonis annuatim solverent eis in adventu Domini duas Iibras Eschenwegensis monete, tali condicione, quod si forte vel totam pecuniam, vel ad certum terminum non solverent, pre- dicta bona ad eorum manus libere redirent. Contigit autem, ut hoc pactum per eorum negligenciam non observaretur. Constitutis ergo coram nobis utriusque partibus, presentibus filiis nostris rege et duce Suevie et episcopo Spirensi cum canonici Spirenses iuxta pactum suum de supradictis bonis pro arbitrio suo disponere possent, ea tamen ipsis sub an- tiqua convencione iterum remiserunt, ea videlicet racione, ut si prememoratam convencionem non observarent, eorun- dem bonorum officium in potestatem fratrum libere et ab- solute rediret. Hoc quoque sciendum, quod nullus eorum heres aliquid iuris hereditarii in hiis bonis poterit obtinere, nisi forte filius Cuonradi vel aliquis alius nepotum suorum tam idoneus eis videatur, ut administracio illius officii sibi committatur, si hii, qui nunc super sunt, benigne eos trac- taverint. Preterea, si grandis aliqua necessitas vel de com- muni depredacione vel de bonorum illorum incendiis inter- cesserit, veniant predicti homines in presenciam nostram cum canonicis, ut quod super hoc decernendum sit, nostro consilio statuatur. Hanc autem convencionem impressione sigilli nostri confirmamus, et ut inconvulsa permaneat firmi- ter precipimus etc. ». '