Wir Karl von Gots gnaden Romischer kunig zu allen zy- ten merer des richs vnd kunig zu Beheim, verjehen vnd tun kunt offentlich mit diesem brieff allen den die ien sehen, horen oder lesen, daz wir haben angesehn die getruwe vnd stete dienste, die der erwirdige Gerhart, erwelt vnd besteti- get bischoft zu Spire, vnser lieber, demutiger furste vns vnd dem heihgen Romischen riche offt vnd vnverdrossenlich ge- tan hat vnd noch tun sol vnd mag in kunftigen zyten vnd sunderlich, daz er mit vns, mit sin selbes libe mit funffzig gekrenten helmen fur Eltvil vff vnser vnd des richs fiendt williglich gereiset vnd gedienet vnd da vumessige grosse kost vnd arbeit gehabt hat, die er vnd sin stifft nit wol ertragen mag, an vnser vnd des riches helfe vnd sture. Da- rum so haben wir iem vnd sine stifft fur vns vnd vnser nachkommende am riche wissentlich vnd willentlich gelobt vnd geloben auch mit diesem gegenwertigen brieffe zu ge- bene funff tusent phunt haller gut vnd geber alsolicher gu- ter lonunge, als zu Spire an der muntze genge vnd gebe ist an alle geverde. Vnd wann wir nu iem dieselben funff tusent phunt haller nicht bereit haben zu gebenn, darum so haben wir iem vnd allen sinen nachkummen bischoven zu Spire vnd sine stiffte recht vnd redlich mit rechter wis

580 1349 mai 2*.

sende gegeben vnd geben in auch mit diesem gegenwerti- gen brieffe far vns vnd alle vnser nachkommen an dem riche einen zol vff dem Rin bie Utenheim sinre vesten, den er ietz da nimt oder wo er, sin nachkommen vnd sin stifft den aller gernest in irre gebiete vff dem Rin haben wollent. Vnd sol auch der zol mit namen sin sechs grosse turnose von iedem fuder wines vnd darnach von aller ander kanff- manschafft vnd von allen andern dingen, die den Rin vff oder ab gent, nach markzal, als es sich darnach geburt, an alle geverde. Denselben zol sol er vnd sin stifft vnd sin nachkommen, bischoff zu Spire geruitlich haben, niessen vnd innehmen, als lang, bis wir oder vnser nachkommen am riche ine die funff tusent phunt haller gentzlich geben vnd bezalen an alle geverde. Vnd was auch sie desselbe zol- les niessent vnd innehment das sol in auch an den funff tu- sent phant haller nit abegen noch abgeschlagen werden, in deheine wise an alle geverde. Were auch, daz wir oder vnser nachkommen am rich mit den fursten, herrn vnd mit den steten zu rate werden, daz wir einen landfriden mech- ten vnd alle vngewonlich vnd vnzitlich zolle abe deten, so wollen wir doch vor allen dingen, daz derselbe zol belie- ben sol an alle hinderungen vnd widerrede der fursten vnd aller herrn vnd der stete, als lang, bis in die vorgenannte funff dusent phunt haller genzlich gewent vnd bezahlt wer- dent an alle geverde. Vnd were auch, daz wir denselben zol mit briefen oder mit anderen sachen von vergessenheite wegen abe deten, daz sol kein krafft noch macht nit haben in deheine wise an alle geverde. Vnd darumb gebiten wir allen vnsern vnd des heiligen Romischen riches fursten vnd allen herrn, lantvogten vnd allen des richs getruwen vestig- lich bi vnseren hulden vnd bi allen uweren friheiten. daz ir den vorgenannten Gerharten, vnsern lieben fursten, sinen stifft vnd alle sin nachkommen bischoffe zu Spire zu dem vorgenannten zol schirmet vrid beholfen sint getmwelich vnd sie daran nicht hinderent, noch gestatent, daz sie von jemann daran hinderet oder geirret werdent an allen argelist. Mit vrkund dies brieffes versigelt mit vnsern ku- niglichen ingesiegel. Der geben ist zu velte vor Eltvil. do man zalte von Cristes geburte drutzehen hundert jar vnd darnach in dem nun vnd viertzigsten jar an des heiligen sant Urbans abent, in dem dritten jar vnserer riche.

13*9 october t. 681