"Wir rugrave Philipps, herre zu der Nuwenbemburg, ver- jehen vnd bekennen offenlich an diesem brieffe allen den, die in sehent oder horent lesen, vmb solich missehellunge, krieg vnd vflloff, als zwuschen vns vff ein syte vnd dem erwirdigen in Gott vatter vnd herrn, herrn Gerharten bi- schoff zu Spire vff die ander syten bissher gewesent sint, von derselben missehellunge wegen wir in des vorgenann- ten vnsers herrn von Spire gefengnisse swerlichen vnd lange zyt gelegen sin, han wir mit rate vnserer freunde, helffer vnd diener vnd mit namen der hiernach geschrieben stant, also geteidinget vnd fruntlich vberkommen, daz wir dem- selben vnserm herrn von Spire und mit sine stiflte vnd nach- kommen gutlichen, fruntlichen vnd luterlichen fur vns vnd alle vnsere erben vnd nachkommen freunde, helffer vnd die- ner ewiclichen gesunet sin vnd ein recht sune gemachet haben als hernach geschrieben stet, also bescheidenlichen daz wir vnsere burg Imeschwile vnd alles das, das darzu gehoret, gesucht vnd vngesuchte, das vnser recht eigin ist vnd das wir zu diesemmale halbis verkummert han vnd nit me vnd das ander halbe teile vnverphant vnd ledelichen inne baben, die haben wir dem egenanten vnserm herrn von Spire fur vns vnd vnsere erben vnd nachkommen vffgeben vnbetzungelichen an rechtes lehen stad vnd haben auch das von ime enphangen. Vnd das ander halbe teil swanne wir des gewaltig werden, sollen wir auch von im zu lehen em- phahen, vnd dieselbe burg vnd gut sollen wir vnd alle vnser erben vnd nachkommen von eime stiffte zu Spire, vnd bi- schoffen ewiclichen zu lehen haben vnd von im emphahen vnd mann daruber sin vnd sollen wir vnd vnser erben vnd nachkommen die vorgenannte gute vnd lehen oder mann- schaft dem vorgenannten vnserm herrn von Spire nach sinen

588 1351 september 20.

nachkommen nyemer vfigeben, damit wir der mannschaft ledig mochten werden ane alle geverfle. Vnd sollent wir vnser erben vnd nachkommen nyemer mer wider den vor- genannten vnsern herren von Spire sinen stifft vnd nach- kommen getun oder werben heimlich oder offenbarlichen vnd sollen gegen im sine stifft vnd sin nachkommen ewick- lichen verbnnden sin mit allen stucken vnd sachen, als manne iren herren billichen vnd von recht verbnnden sint. Dieselben stucke alle gemeinlichen vnd iglichs sunderlichen haben wir mit vffgehoben handen vnd mit gelerten worten einen gestabeten eit zu den heiligen wissentlichen gesworen, daz die war sin vnd daz wir die fur vns, vnser erben vnd nachkommen stete ware vnd gantze halten wollen vnd volle- furen ane alle argeliste. Vnd zu merer zugezugenisse haben wir gebeten die edeln herren grave Johann von Spanheim, herrn Friederich von Lyningen, domprobest zu Wormssen, Kunen von Falkenstein, domprobest vnd pfleger des stiffs zu Meintze, grawe Friederich von Lyningen, Johann von Valkensfein, herrn zu Mintzenberg, Philipsen von Bolanden vnsern lieben neven herrn Johann von Randecken vnd Wy- nant, kamerer von Waldecke, ritter, daz sie die sune vnd richtunge mit vns versiegelt hant. Vnd wir Johann von Spanheim etc. verjehent vnd bekennent offentlichen an die- sem briefle, daz wir by der sune vnd richtunge also gewe- sen sint vnd mit/vnserm rate also geteidingt ist vnd durch sunderlicher bete willen des vorgenannten ruhegraven Phi- lips, han wir dys sune vnd richtunge mit jm besiegelt mit vnsern ingesiegeln, die wir an diesen brieff gehencket hant, zu vrkunde vnd zu gezugnisse aller der vorgeschrieben dinge, das geschah vnd der brief geben wart, da man zalte von Cristus geburte drutzehen hundert jare vnd darnach in dem einen vnd funfftzigsten jare an sant Matheus abend des heiligen tzwolflbotten.