w ir Karl von Gotts gnaden Romischer keyser zu allen zyten merer des riches vnd kunig zu Beheim, entbieten dem tumprobst vnd dem gemeinen capitel, vnsern lieben andech

1365 januar 24.

tigen, vnsere gnade vnd alles gute. Lieben andechtigen, wann ir vns mit dem ersamen Friderich von Schonenburg, custer zu Spire, verkundet habt, daz von den zweiunge wegen, die da gewest ist zwischen dem erwirdigen bischoff zu Spire an eim teil vnd dem ersamcn Eberharten von Kandeck vwern tumdechant an dem andern teil, vber stifft vnd guter zu verderblichen schaden quemen vnd batent vns, daz wir darzu gedenken wolten, daz die egenannte zweiunge vernichtet wurde. vmb daz der schade verhalten wurde: dez haben wir die vorgenannte zweiunge mit rate vnser fursten vnd getruwen verricht nach ir beiden willen, nach lute der brieff die wir in iedwederseite daruber haben geben. Da- rumb gebieten wir uch ernstlich by vnser hulden, daz ir den egenannten Lamprecht zu stunde fur uwern bischof em- pfahet vnd im vntertenig gehorsam syt vnd im alle sache tut an alle geverde, was ir uwerm bischoff von recht we- gen schuldig sit zu tun. Wen ir daz nit tetet, so haben wir vnser vnd des riches fursten, graven, herrn vnd stetten ernstlichen vnd vestlichen gebotten, daz sie von vnsser we- gen den egenannten Lamprecht sullen helien, daz ir im ge- recht werdcn vnd uch darumb sullen angrifen vnd wollen och by vnser hulden, daz ir vnsere sune gentzlichen vnd vnverbrochenlichen haltet, wie sie begriffen ist. Gegeben zu Prag am fritag nach sant Agneten tag vnserer riche in dem nunzehenden jare vnd des keyserthums in dem zehenden jare. Per dominum imperatorem, Rudolphus de Frideberg.