Allen^a) den, die disen brief ansehent lesent oder ho^erent lesen, tu^en wir die nachgenemten Johans der Iberger, V^olrich min || sun, Herman vnd Walther min des vorgenemten V^olrichs êlichen sún kunt vnd veriehen des offenlich an disem brief fúr v´ns || fúr alle v´nser erben vnd nachkomen, das wir mit gůter vorbetrahtung vnd mit bedahtem můt gelo^vpt habent mit gůten trúwen || Johansen dem Iberger burger ze sant Gallen v´nserm lieben o^ehem, das wir noch v´nser erben in noch sin erben an dehainem sinem ligenden gůt, so er ze Swartzenbach¹ hat, wie dú genemt sint, noch an dehainen rechten, so darzů geho^erent, es sie, das sú sin aigenú gu^eter sient ald dú gu^eter, die er mit v´ns gemaind hat, niemer angesprechen noch in kainen weg bekrenken noch bekúmberren súllen weder an gaistlichem nach an weltlichem gericht noch ân gericht noch mit dehainen andren sachen, V´ber dis alles so haben wir v´ns o^vch entzigen vnd entzihent v´ns mit disem gegenwúrtigen brief fúr v´ns fúr alle v´nser erben vnd nachkomen gen dem vorgenemten Johansen dem Iberger vnd gen allen sinen erben vnd nachkomen an den gu^etern, so er ze Swartzenbach hat, als vorgeschriben stat, aller aigenschaft aller lêhenschaft aller reht aller gewonhait aller vordrung klag vnd ansprach, so wir ald v´nser erben ald nachkomen daran vnd darzů hatten ald iemer gehaben vnd gewinnen mo^ehtint an gaistlichem ald an weltlichem gericht ald von kainen sachen. Vnd ist dis alles recht vnd redlich vnd o^vch mit v´nserm willen vnd gunst beschehen vnd vollefu^ert mit allen den worten vnd werken, so von reht vnd von gewonhait darzů gehorten vnd no^vtdurftig warent vnd als recht sitte vnd gewonlich was. Vnd ze ainem waren vrkúnd vnd ze ainer sta^eten sicherhait aller diser vorgeschribenn dinge so hab ich der vorgenemt V^olrich der Iberger min insigel gehenkt an disen brief fúr mich vnd fúr den vorgenemten Johansen den Iberger minen vatter vnd fúr die vorgenemten Herman vnd Walt her min sún, won sú aigener insigel nút hatten, vnder des insigel wir v´ns willeklich gebunden haben vnd binden mit disem brief, won wir aigener insigel nút hatten. Dis beschach vnd wart dirre brief geben ze sant Gallen in der stat an dem na^ehsten samstag vor sant Bartholomeustag des zwelfbotten in dem iar, do man zalt von gottes gebúrt drúzehenhundert jar, fúnfzig jar vnd darnach in dem achtoden jare.

Source Fulltext: Chartularium Sangallense VII, Nr. 4553, S. 398-399.