Allen^a), die disen brief ansehent oder ho^erent lesen, kúnd ich Hans Bla^vrer burger ze Costentz vnd vergich des offenlich mit || disem brief, das ich ze ko^vffend geben hab ze ainem rehten redlichen jemer werenden ko^vff minen wingarten, der gelegen ist ze Altstetten¹ || hinder dem Vorst² vnd sto^vsset vndnan an dez spitta^vls wingarten von sant Gallen³ vnd obnan sto^vsset an Grůnow⁴, dem erbern Růdolffen || Zimmerman von Balga⁵ in dem Rintal vnd V^olrichen sinem sun vnd allen iren erben, ob si enwa^erint, vmb hundert pfunt vnd sechtzik pfunt alles gůter vnd gena^emer Costentzer múnss, der ich o^vch gar vnd ga^entzlich von inen gewert vnd bezalt bin vnd o^vch in minen offen redlichen nutz komen vnd bewendet sint. Vnd gib inen o^vch den selben wingarten vf mit vrkúnd dis briefes mit allen den nútzen rechten gewonhaiten vnd zůgeho^erden, so der selb wingart an mich bra^vht ist vnd ich in gehebt vnd genossen hab vntz her, vnd sol ich oder min erben, ob ich enwa^ere, die selben Růdolffen Zimmerman vnd V^olrichen sinen sun oder ir erben, ob si enwa^erint, den selben wingarten mit allen zůgeho^erden, als vor ist beschaiden, versta^vn vnd versprechen an allen den stetten, da si sin no^vtdúrftig sint, als denn reht vnd gewonhait ist, na^vch lehen reht, vnd hab o^vch inen den selben wingarten gefertgot vor dem lehen herren, als reht ist, vnd o^vch mit allen den rechten nútzen vnd gewonhaiten, so er an mich bra^vht ist, vntz her vnd min lehen gewesen ist von ainem abt vnd gotzhus von sant Gallen, da hab o^vch ich die lehenschaft vollefu^ert gen den selben Růdolffen Zimmerman vnd gen V^olrichen sinen sun na^vch lehens reht, als denn sitt vnd gewonlich ist, vnd verzih mich aller der lehenschaft aigenschaft vordrung oder anspra^vch, so ich je gehebt hab vntz vf disen húttigen tag, als dirre brief geben ist, zů dem vorgenanten wingarten vnd gib in vf gentzlich vnd gar denselben Růdolffen Zimmerman vnd V^olrichen sinem sun vnd allen iren erben, ob si enwa^erint, mit allen den nútzen rehten bedingden oder gewo^vnhaiten, so ich in gehebt hab oder er an mich komen vnd bra^vht ist. Des vergich o^vch ich der egenant Hans Bla^vrer fúr mich vnd fu'r alle min erben, ob ich enwa^ere, dis alles wa^vr vnd sta^et ze haltent vnd ze habent, so hie vor an disem brief geschriben ist. Vnd ze wa^vrem vnd offem vrkúnd aller dirre ding so henk o^vch ich der selb Hans Bla^vrer ze ainer gezúgnúst min aigen insigel offenlich an disen brief. Der geben ist ze Costentz, do man zalt von Cristus gebúrt drúzehen hundert ja^vr, dar nach in dem fúnf vnd achtzigsten ja^vr, an sant Walpurg tag ze inga^endem maiien.

Source Fulltext: Chartularium Sangallense X, Nr. 6072, S. 252.