Allen^a) den, die disen brief ansehent lesent oder ho^erent lesen, kúnde ich || Bernhart Blârrer¹ von sant Gallen vnd vergich offenlich an disem brief, || das mich die fromen wîsen der burgermaister vnd der rat gemain||lich ze sant Gallen von miner ernstlicher bett ze burger angenomen vnd enpfangen hant fúnf iâr dú na^ehsten nâchanander von dem tag hin ze zellenn, als dirr brief geben ist, also vnd in den rehten vnd gedingen, als hie nach an disem brief beschaiden ist. Des ersten ist berett, das ich in verdienen vnd verstúran sol dú selben iârzil v^s a^ellú minú gůt ligendú vnd varendú als ander ir ingesessnen burger ân allain min vesti Wartense^v2 die múli der bongart vnd das holtz, so darzů geho^ert, doch sol ich in vnd der stat ze sant Gallen mit derselben miner vesti getrúlich gewa^ertig sin dú selben iârzil. O^vch ist berett, das ich enkaines herren diener niht werden sol noch mich in kain wîs hinder dehainen herren noch stat niht verbinden sol noch verphlihten, es bescheh denn mit aines burgermaisters vnd des râtes ze sant Gallen gůtem willen gunst vnd vrlo^vb. Ich sol o^vch ainem burgermaister vnd dem rât ze sant Gallen gehorsam sin vnd a^ellú ha^elbú iâr gehorsami tůn vnd sweren als ander ir ingesessnen burger âne geua^erde, vnd sehs pfunt haller sol ich in geben fúr die anzal, als ich ir burger worden bin. Sú hant mir o^vch alle alt sto^ess in disem burgreht v^sgesetzt. Sunderlich vergich ich, das ich willeklich vnd mit bedahtem můt offenlich ainen gelêrten ait gesworn han ze den hailgen, a^ellú vorgeschriben stuk sta^et ze haltenn vnd ze tu^enne dú vorgeschriben iarzil v^s âne alle geua^erde. Vnd des alles ze offemm warem vrkúnde han ich der obgenant Bernhart Blârrer min insigel offenlich gehenkt an disen brief. Der ist geben ze sant Gallen an der na^ehsten mitken nâch vsga^enter osterwochen, do von Cristus gebúrt wa^erent drúzehenhundert jar, ahtzig jar vnd darnach in dem fúnften jare.

Source Fulltext: Chartularium Sangallense X, Nr. 6069, S. 249-250.