Allen^a) den, die disen brief ansehent lesent oder ho^erent lesen, kúnden wir die nâchgenemten V^olrich vnd Cůnrat genant || von Meldegg¹ gebrůder vnd veriehent offenlich mit disem brieue fúr v´ns fúr alle v´nser erben vnd nâchkomen, daz wir || mit gůter vorbetrahtung vnd von v´nser redlicher nôt wegen vnd o^vch nâch v´nser frúnde vnd nâch ander erber lút rât || den hof gelegen ze Oberndorf², den man nemmet der Meldegger hof, mit hus mit hof mit stadel mit akkern mit wisen mit wasen mit zwi mit holtz mit veld mit wunn mit waiden mit stegen mit wegen mit stok mit stain mit wasser mit wasserflússen vnd gengen mit allen rehten nútzzen vnd gewonhaiten vnd mit allem dem, so von reht ald von gewonhait zv^o dem selben hof ald darin geho^erent, ez sie benemptz oder vnbenemptz, gesůchtz oder vngesůchtz, wissentz oder vnwissentz, redlich vnd reht verko^vft vnd ze ko^vffenn geben habent den êrsamen hern Burkart von Ainwille ritter vnd Albreht von Ainwille³ sinem êlichen sun baiden gemainlich vnd vnuerschaidenlich vnd iren erben, ob sú enwa^erint, vmb hundert phunt vnd vmb vierzig phunt vnd vmb siben phunt phenning gůter vnd gena^emer Costentzzer múnse, der wir gantzlich von in gewert sient vnd enphangen habent vnd an v´nser baider gemainen offenn nutz bewendet, der selb vorgeschriben hof ze Oberndorf, den man nemmet der Meldegger hof, v´nser reht lehen waz von dem erwirdigen gotzhus ze sant Gallen, dannen wir in o^vch den selben hof ze Oberndorf, den man nemmet der Meldegger hof, mit allen rehten vnd mit aller zv^o geho^erde, alz vor ist beschaiden, reht vnd redlich geuertgot vnd zv^o iren handen braht habent, alz reht sitte vnd gewonlich waz vnd alz ez kraft vnd mäht sol vnd mag han. Vnd darumb so habent wir v´ns willeklich verzigen vnd verzihent vns mit disem brieue gantzlich vnd gar fúr v´ns vnd fúr alle v´nser erben dez vorgeschribenen hofes ze Oberndorf, den man nemmet der . . Meldegger hof, mit aller zv^o geho^erde aller aigenschaft aller lehenschaft aller kuntschaft aller gewêr lút vnd brief alles gaistlichen vnd weltlichen rehtes aller vordrung vnd ansprachen aller reht vnd rehtung, so wir oder v´nser erben, ob wir enwa^erint, an dem zv^o dem vnd von dez vorgeschribenen hofes wegen ze Oberndorf, den man nemmet der . . Meldegger hof, vnd waz darzů geho^ert ie gehept habent ald hie nach iemer gehaben oder gewinnen mo^ehtint, vnd daz wir noch v´nser erben, ob wir enwa^erint, noch nieman andre an v´nser stat noch von v´nsern wegen die vorgenemten hern Burkart von Ainwille noch Albreht von Ainwille sinen sun noch dehain iro erben noch nâchkomen von dez vorgeschribenen hofes wegen ze Oberndorf, den man nemmet der Meldegger hof, noch an dehainer siner zv^o geho^erde niemer súllent noch wellent ansprechen vftriben bekúmberren bekrenken noch in kain wîs beswa^eren weder mit gaistlichem noch mit weltlichem geriht noch ân geriht noch mit enkainer lay ander sache ân alle geua^erde. Wir die vorgenemten von Meldegg gebrůder habent o^vch baid vnuerschaidenlich gelobt mit v´nseren trúwen vnd lobent mit disem brieue fúr v´ns vnd fúr alle v´nser erben, dez vorgeschribenen hofes ze Oberndorf, den man nemmet der . . Meldegger hof, mit aller zv^o geho^erde vnd dez ko^vffes reht wem ze sinne nâch dez landes reht vnd o^vch die vorgenemten hern Burkart von Ainwîlle vnd Albreht von Ainwille sinen sun vnd iro erben, ob sú enwa^erint, darumb ze versprechenn vnd ze versta^enne an allen stetten gen aller ma^englichem ân allen iren schaden, wenn wa vnd wie dik sú darumb an gesprochen geschadgot oder vf getriben werdent mit dem rehten. Vnd ist diz alles beschehen vnd vollefu^ert reht vnd redlich mit allen den worten werken vnd geta^eten, so nâch gewonhait vnd nâch reht darzv^o gehortent ald ho^eren soltent vnd nôtdurftig wârent vnd alz ez kraft vnd maht sol vnd mag han. Vnd ze vrkúnd der wârhait aller der vorgeschribenen dinge vnd gedinge so habent wir die vorgenemten V^olrich vnd Cůnrat von Meldegg gebrůder fúr v´ns vnd fúr alle v´nser erben v´nserú insigel gehenkt an disen brief. Der geben ist ze sant Gallen an sant Gregorien tag in dem jâr, do man zalt von Cristus gebúrt drúzehenhundert jâr, sibenzig jâr vnd darnach in dem sehsten jâre.

Source Fulltext: Chartularium Sangallense IX, Nr. 5495, S. 165-166.