Allen^a) den, die disen brieff ansehent lesent oder ho^erent lesen, kúnde ich Eberhart Schirmer burger ze sant || Gallen vnd vergich offenlich an disem brief fúr mich vnd min erben, das die beschaiden V^olrich Ko^echler, || V^olrich Spiesser vnd Johans Appaceller pfleger der armen siechen ze sant Gallen an dem Linsibu^el¹ || an der selben armer siechen stat vnd zů iren handen von der beschaidnen fro^v Elsbethen Vischinen burgerin ze sant Gallen vnd von Cůnraten vnd von Eglolffen ir súnen geko^vfft hant vsser disen nâchgeschribnen ho^efen dis nâchgeschriben ia^erlich gelt, vsser dem hof ze Nidren Lo^ern² sehs mut vesan ain mut kerne sant Galler messes vnd ain hůn ia^erkliches geltes vnd vss dem hof ze Loch³ bi Ramswag⁴ o^vch sehs mut vesan ain mut kerne des vorgeschribnen messes vnd ain hůn o^vch ia^erkliches geltes vmb fúnfvndzwainzig pfunt vnd vmb fúnf schilling pfenning gůter Costentzer múnse, die die vorgenemten pfleger mit der selben armer siechen gelt gantzlich gewert vnd bezalt hant. Ich vergich o^vch, das die obgenanten fro Elsbetha Vischin vnd die selben ir sún mir zů der selben armer siechen handen das vorgeschriben korn gelt vnd hu^enr gelt mit allen rehten vnd zůgeho^erden v^fgeben vnd geuertgot hant mit des erwirdigen mines gna^edigen herren abt Cůnen abt des gotzhus ze sant Gallen⁵ hant, als reht sitte vnd gewonlich was, vnd wie das ist, das die ko^vffbrief⁶, die darúber geben sint, mir standin vnd ich darin vergriffen vnd verschriben sie, als ob der selb ko^vffbrief vnd ko^vff mir zů geho^er, so bekenn ich vnd vergich mit disem brief, das mir noch minen erben der selb ko^vff noch das selb korn gelt noch hu^enrgelt niht zů geho^ert noch v´nser enist, denn das ich vnd min erben, ob ich enbin, der selben armer siechan vnd aller iro nachkomen getrúwen trager sien vnd sin so^ellin v´ber das vorgeschriben ia^erlich gelt an vesan an kernen vnd an hu^enren. Vnd darvmb so han ich gelopt vnd loben mit disem brief fúr mich vnd min erben, das ich noch min erben noch ieman andre an v´nser stat noch von v´nser wegen die vorgedahten armen siechen noch ir nâchkomen an dem vorgeschriben korn vnd hu^enr gelt niemer súllent noch wellent sûmen noch irren bekúmberren noch bekrenken noch in kain wîse beswa^eren weder mit geriht noch ân geriht noch in kain wise, won wir iro getrúwen trager darúber sin so^ellin, als vorgeschriben stat. Vnd des alles ze offemm wâren vrkúnde so han ich Eberhart Schirmer da vorgenemt fúr mich vnd min erben min insigel gehenkt an disen brief, vnd ze merer sicherhait so han ich erbetten den êrsamen Johansen Blârrer Pfilippen Blârrers sa^elgen sun ze disen ziten burgermaister ze sant Gallen⁷, das er sin insigel o^vch zů minem insigel gehenkt hat an disen brief im vnd sinen erben vnscha^edlich. Dirre brief ist geben am na^ehsten ma^entag vor sant Valentins tag, do von Cristus gebúrt warent drúzehenhundert jar, ahtzig iâr vnd darnach in dem sibenden jâre.

Source Fulltext: Chartularium Sangallense X, Nr. 6166, S. 365.