Wir Wenczlaw von gotes gnaden Romischer kunig zu allen zeiten merer des reichs vnd kunig zu Beheim bekennen vnd tun kunt offenlich mit disem^a) brieue | allen || den, die yn sehen oder horen^b) lesen, das wir haben angesehen stete leutere^c) vnd nutze dienste, die vns vnd dem reiche die gemeinde^d) der stat zu sant^e) | Gallen vnser^f) vnd || des reichs^g) lieben getrven^h) offtⁱ⁾ getan hant vnd noch tun sullen vnd mugen in kunfftigen zeiten, vnd haben darumb^k) mit wolbedachtem mute | vnd rate vnserr vnd des reichs || fursten vnd lieben getrewen die burgermeister rate burger vnd die gemeinde^d) der yeczunt genanten stat zu sant Gallen vnser lieben getrven^l) gefreyet vnd begnadet freyen vnd begnaden sie auch mit crafft^m) diez brieues, also das sie nymantsⁿ⁾ furbasmer ewiclichen^o), wer er sey vnd in welchen^p) eren wirden vnd wesen er auch sey, die egenanten burger miteinander^q) oder besunder noch keynen burger der egenanten stat zu sante^r) Gallen manne oder weyb^s) laden eyschen furtreiben^t) vordem ansprechen beclagen bekummern vrtailen^u) oder achten^v) sullen ^w) oder muge für oder an den lantgerichten zu Rotweil^x)4 oder an keynen andern lantgerichten oder gerichten, wo die ligen gelegen vnd wie die genant seyn, besunder wer den egenanten burgern allen ir eynem oder mer, er sey man oder weyp, zu sprechen zu clagen oder vordrunge hat oder gewynnet, der sol^y) das tun vor yrem richter ||
oder gerichte daselbst^z) in der stat zu sant Gallen vnd recht von yn nemen vnd nyrgent^aa) anderswo, es wer denn^ab), das dem cleger oder den clegern kuntlichen vnd offenlichen recht von den egenanten richtere oder gerichten^ac) in der yeczunt genanten stat zu sant Gallen vorsayt wurde. Auch^ad) wollen wir von besundern gnaden, das die egenanten burger offen echter mugen hausen vnd hofen^ae) vnd alle gemeinschafft^af) mit yn haben, also wer das yemant denselben echter eyn^ag) oder czwen vil oder wenig in irer stette^ah) anfeilet, dem sol man eyn vnuerczogen recht tun nach der stette^ai) gewonheit^ak), vnd als^al) offt^am) sie in die egenant stat koment^an) vnd wider daraus^ao), das sie nyemants^ap) ansprichet mit dem rechten, das sol den egenanten burgern keyn^aq) schaden bringen von der gemeinschafft^af) wegen. Vnd gebieten darumb allen fursten geistlichen^ar) vnd werltlichen grauen freyen herren^as) rittern knechten stetten gemeinschefften dem lantrichter zu Rotweil^x) vnd allen andern lantrichtern vnd richtern vnd den, die an den lantgerichten vnd gerichten zu den rechten sitzen vnd vrtail^at) sprechen, die ytzund^au) sein^av) oder in kunfftigen zeiten werden, vnsern vnd des heiligen reichs^g) lieben getrewen ernstlichen vnd vesteclichen^aw) bey vnsern vnd des reichs hulden, das sie furbasmer ewiclichen^ax) keynen der egenanten burger eynen oder mer, wo die gesessen seyn, der vorgenanten stat zu sant Gallen, manne^ay) oder weyp, nicht für das egenant lantgericht oder ander gericht eyschen laden vordem furtreiben^az) oder kein^ba) vrtail^at) vber ir leyb oder vber ir^bb) gut sprechen oder in die acht tun sullen noch mugen in dheine weyse^bc). Vnd wo das geschehe wider diese obgenant vnser^f) gnade vnd freiheit vnd genade^bd), die in diesem vnserm brieue seyn, so nemen vnd tun wir ab^be) mit rechter wissen vnd mit kuniglicher mechte volkummenheit^bf) aller schulde ladung eyschung vordrung ansprach^bg) vrtail^at) vnd die acht vnd entscheiden leutern^bh) cleren vnd sprechen, das sie miteynander vnd besunder alle vnkrefftig vnd vntugenlich seyn sullen, vnd tun sie auch ab^be) vnd vernichten sie genczlichen^bi) vnd gar an allen yren begriffungen meynungen vnd pu^enten^bk), wie sie dar komen^bl) geben gesprochen oder gevrtailt^bm) werden oder wurden. Vnd ob yemant, wer der wer^bn), also wider die obgenant vnser gnade vnd freiheit^bo) freuelichen tete, der vnd die sullen in vnser vnd des reichs^g) vngenad^bp) vnd darzu eyner pene funffczik^bq) mark lotiges goldes veruallen sein^aw), als offtⁱ⁾ der wider tůt^br), das halbteyl in vnser^f) vnd des reichs camer vnd das ander halbteil^bs) den egenanten burgern gemeinlichen^bt) zu sant Gallen, die also vberfaren werden, genczlichen^bu) vnd on alles mynnernu^ezz^bv) sullen genallen. Mit vrkunt diez brieues versigelt mit vnserr kuniglichen maiestat ingesigel^bw). Der geben ist zu Prage nach Cristus gepurte^bx) dreyczehenhundert jar, dornach in dem acht vnd sibenezigsten^by) jare, an sant Margarethen tage der heiligen^bz) junkfrowen, vnserr reiche des Behemischen in dem sechzehenden^ca) vnd des Romischen in dem dritten jar^cb).

Source Fulltext: Chartularium Sangallense IX, Nr. 5655, S. 331-332.