Ich Hainr. der Waibel von Wattenberg¹ ain vrige lantrihter ze Schatbůch² tůn kunt, daz fu^er mich kom an den lantag ze Schat||bůch der mithen vor sant V^olr. tag die erbaren wisen lu^et Bilgri der Spiser burgermaister ze sant Gallen³ vnd Hans Schůlmaister || vnd Herman Spanhart burger ze sant Gallen vnd battend in zerfarend an ainer vrtail, ob man in it billich lesen solt ir brief || vnd hantfestinan, die si hant von ku^engen vnd von kaisern sunderbar von kaiser Karllen von Rom, das ward ertailt, der brief gelesen wart vnd stůnd also, das si die genad vnd frihait hant von ku^engen vnd von kaisern sunderbar von kaiser Karllen von Rom, daz nieman kainen ir burger triben noch laden sol vf dehainen lantag noch vff kain weltlich geriht, wan das mangelich daz reht sůchen vnd nemen sol von den burgern von sant Gallen ze sant Gallen in der stat vor iro richter, wa^er aber daz dar v^eber jeman, wer der wa^er, ainen burger oder mer trib oder lu^edi vf dehain langeriht vnd sunderbar vf den lantag ze Schatbůch, der burger hies vnd war ze sant Gallen in der stat, oder ze acht bra^echt, das laden vnd du^e acht sol allez tod vnd ab sin vnd dem, der gelat wa^er, kain schad sin noch kainen schaden bringen, vnd dar zů sol der, der kla^eger wa^er, verfallen sin fu^enzig mark goldez halb dem kaiser vnd halb dem, der gelat wurdi, ez wa^er denne, daz ainem kla^eger reht verzigen wurdi ze sant Gallen in der stat vor ir richter von aim iro burger. Do nu dis allez beschach, do battend in die obgenanten burger von sant Gallen, ob du^e vorgeschriben stat vnd die burger von sant Gallen der vorgeschriben frihait vnd genad it billich geniessen soltind. Daz ward ertailt, daz die obgenanten burger von sant Gallen der obgeschriben genad vnd frihait billich geniessen sond. Ez ist och mer ertailt, wa die burger von sant Gallen disen brief vs ziechend vnd vf welem geriht das ist vnd dur welan ir burger si daz tůnd, das der alz gůt kraft sol han, alz ob si ir ku^enklich vnd kaiserlich brief vs zugind, wan si ir ku^enklich vnd kaiserlich brief nit gewa^erlich geturrend gefu^eren vf vsseru^e geriht durh jegelichen ir burger, da si sin notturftig wa^erind. Vnd dez ze vrku^end der warhait han ich vorgenanter lantrihter min vnd dez langerihtz insigel ze Schatbůch an disen brief gehenket. Der brief geben ist ze Schatbůch nach rehter vrtail dez jarz, do man zalt von gottez geburt dru^ezechen hundert jar, dar^a) nach in dem ain vnd súbenzigistem jar, der obgeschriben mithen.

Source Fulltext: Chartularium Sangallense VIII, Nr. 5284, S. 482-483.