Ich Bertholt von Kúnigsegg¹ ritter vergich vnd tůn kunt allen den, die disen || brief sehent lesent oder ho^erent, daz ich gewert bin gar vnd ga^entzlich drissig march vnd siben || march silbers gůtes Costencer gewiht von Johans dem Múnser amman ze sant Gallen || vnd von den andron burgern dez râtes der vorgenenten statt ze sant Gallen vnd ouch von den andron burgern allen gemainlich der selben statt ir gewonlichen stúr, der ich bewiset ward vnd berihtet an sú von dem êrwirdigen von gottes genaden minem gena^edigen herren kayser Ludwig². Vnd des ze ainer warhait so gib ich inen disen brief besigelten mit minem insigel. Der geben ist ze sant Gallen an dem na^ehsten samstag nach sant Agnesen tag, do man zalt von gottes geburt drúzehenhundert jar, darnah in dem vierzegosten jar.

Source Fulltext: Chartularium Sangallense VI, Nr. 3732, S. 310.