Wir Ludowig von gotts genaden Romischer keiser ze allen ziten merer des richs enbieten || den wisen luten . . dem rat vnd . . den burgern gemeinlichen ze sand Gallen vnsern lieben || getriwen vnser huld vnd alles gut. Wir wellen vnd heizzen iuch ernstlichen, daz ir dem || edeln man Eberh. grafen ze Nellenburg¹ vnserm lantuogt iwer gewonlich stiur, der ir vns vnd dem rich nu vf sand Martins tag, der hin ist, schuldig warent ze geben, vnuerzogenlichen antw^ertet vnd gebent vnd nieman anders, wann wir im di verschaffet vnd verschriben haben, e daz wir sie Eberh. von Ku^enigsegk² verschriben oder verschu^efen. Vnd wann ir daz getan habt, so sagen wir iuch dar vmb fu^er vns, vnser erben vnd aller meinclichen vnd ouch fu^er den vorgenanten von Ku^enigsegk ledig vnd los mit disem brief. Der geben ist ze Mu^enichen an sand Mathies tag in dem siben vnd zweinzigstem iare vnsers richs vnd in dem vierzehenden des kaisertums.

Source Fulltext: Chartularium Sangallense VI, Nr. 3769, S. 347.