Wir Ludowig von gots genaden Ro^emischer keiser ze allen zeiten merer des || reichs bechennen offenlich mit disem brief, das vns die weisen lu^ete . . die || burgermeister, . . der rat vnd . . die burger gemainlich ze sant Gallen vnser lieb getrewn || verriht vnd gewert habent gar vnd gentzlichen irer gewonlichen stiure, die si vns vnd dem reiche nu vf sant Martins tag, der hin ist, schuldig warn ze geben, wan si die dem vesten manne Eberh. von Ku^engsegge¹ vnserm lieben getrewn von vnsern wegen vnd an vnser stat geben vnd geantwu^ert habent. Vnd darvmb sagen wir si der selben irer gewonlichen stiure von hinnan bis auf sant Martins tag, der schierst chumt, fu^er vns vnd allermenclich ledig vnd los mit disem brief. Der geben ist ze Mu^enchen an mentag vor Katherine, nach Cristes gebúrt dreuzehenhundert iare, darnach in dem ffu^emf vnd vierzigsten iare, in dem ain vnd dreizzigsten iare vnsers reichs vnd in dem achtzehenden des keisertůms.

Source Fulltext: Chartularium Sangallense VI, Nr. 3957, S. 495.