Hermannus dei et apostolice sedis gracia electus et confirmatus in abbatem¹, V^olricus de Enna prepositus et gubernator² in temporalibus generalis totusque conventus monasterii sancti Galli || ordinis sancti Benedicti Constantiensis dyocesis universis presencium inspectoribus salutem cum noticia subscriptorum. Loca pia, que infirmancium et egrotancium solaciis et neccessitatibus || intendúnt, propensioribus et maioribus debent subsidiis et beneficiis onerari^a). Hinc est, quod cum discreti viri Gerwicus dictus Blarrer, Johannes dictus Wildrich et Hainricus dictus Ko^echler guberna||tores provisores seu procuratores domus pauperum leprosorum dicte an dem Linsibu^el prope oppidum sancti Galli³ nobis humiliter supplicarint, ut nos propter deum et subsidium pauperum leprosorum eidem domui leprosorum hanc graciam inpendere dignaremur, quod bona et possessiones, que inferius sub certis nominibus exprimuntur et in quibus discretos viros Gerwicum, Eglolfum et Albertum dictos Blarrer germanos, Hugonem et Johannem dictos Arnolt hactenus memorata domus leprosorum fideles habuerat portitores seu trager vulgariter nuncupatos, posset in antea tamquam sibi directo et utili dominio pertinentes de voluntate nostra expressa et consensu unanimi adhibito licite possidere, nos iuxta iuris sollempnitatem tractatu prehabito diligenti considerantes, quod in eadem domo leprosorum cultus divinus singulis augetur temporibus et quod nos merito propter hec et alia pietatis opera eidem domui leprosorum succurerre^b) debemus, in quantum possumus, et ei manum liberaliorem porrigere cum nostris beneficiis adiutricem, cum in predicta domo leprosorum homines nostri monasterii ad infirmitatis et paupertatis deducti pericula misericorditer et humanissime recreentur, predictorum procuratorum gubernatorum et provisorum iustis ac racionabilibus precibus inclinati, receptis ab eis quatuor marcis argenti ponderis usualis, quas in evidentem utilitatem nostri monasterii fore conversas publice confitemur, in memoratam domum leprosorum de consensu nostro concordi unanimi et expresso pure precipue ac simpliciter propter deum quo ad verum directum et utile dominium decimas et possessiones cum omnibus suis iuribus et pertinenciis suis transferimus infra scriptas, videlicet curiam cum decima in dem Frygendorf⁴, que quondam fuerat Hainrici dicti Ômen⁵, et agros ibidem comparatos a Růdolfo dicto Roggenbu^el⁶, curias dictas Tu^errenmúli⁷ cum decima et cum possessione dicta das Aigen⁸ et unum maltrum frumenti annuorum reddituum de possessione dicta an der Hůb in Nidrendorf⁹, possessionem in Wille¹⁰ vnder dem Rodmonten¹¹, curiam dictam Verrerrun¹², agrum dictum Búnde¹³ prope sanctam Fidem¹⁴, possessionem dictam das Ober Linsibu^el, agrum situm prope crucem an dem Linsibu^el, curiam dictam ze dem Stege¹³ cum agro dicto an der Schibun¹⁵ cum possessionibus dictis Wîlle¹³ comparatis ab V^olrico de No^eggersegge¹⁶, vineam sitam in Bernang¹⁷ in Za^essenriet¹⁸ dictam der Wildrich, agros prope Roschach¹⁹ dictos der Wallerrun et unum maltrum avene et tres solidos denariorum annuorum reddituum de curia dicta ze dem Bach prope Roschach, de possessionibus prope Gossow²⁰ dictis in dem Erbla¹³ et in Vndra¹³ duos modios tritici annuorum reddituum, aream in Gossow dictam des Hirtenhofstat cum suis pertinenciis, decimam in A^etzisperg²¹ uffen der Naglerrun gůt et decimam uffen Martisperg¹³ versus Sintriam²². Has quidem possessiones, quas prenotati portitores a nostro monasterio tenebant in feodum, ad manus nostras resignatas ab ipsis et omnino liberas resumentes universas et singulas sub prestacione annui census videlicet dimidie libre cere in festo beati Galli custodi monasterii nostri annis singulis persolvende eidem domui leprosorum, sive feodales fuerint sive proprie, pleno iure concedimus annectimus et donamus libere et quiete sine inpugnacione qualibet in perpetuum possidendas, hac condicione interposita, quod plebanus predictorum infirmorum, qui pro tempore fuerit, habens ibidem residenciam personalem omnes et singulos fructus predictarum curiarum in Tu^errenmúli cum omnibus suis pertinenciis, excepta decima et fructus agri dicti Búnde prenotati, et mediam partem fructuum predicte vinee dicte Wildrich, quibus eadem prebenda dotata existit, recipiat annuatim, et quod eciam per concessionem donacionem et annexionem huiusmodi nostrum monasterium et ecclesie vel cappelle quecumque serviciis censibus et iuribus eisdem possessionibus inpositis antea nullatenus defraudentur. Et si predicta domus leprosorum aliquibus hominibus ad fictum vel ad firmum pro tempore vite eorum in perpetuum vel ad tempus ususfructus vel pensionem in predictis bonis constituerint^c) vel vendiderint^c) vel adhuc vendant^c) vel constituant^c) per hoc in possessionibus vel bonis predictis nobis nostroque monasterio nullum ius aquiritur nec eidem domui leprosorum quo ad verum vel ad utile dominium eorundem bonorum aliquod preiudicium generatur, sed expleto usufructu possessiones, in quibus constitutus fuerat, ad ipsam domum leprosorum libere revertantur, hoc eciam adiecto, quod predicta domus leprosorum et ipsius provisores, qui pro tempore fuerint, si forte neccessitate vel aliquo casu urgente possessiones et bona predicta vel ex ipsis aliqua alienare contingerit, easdem possessiones et bona aliis personis et hominibus quam nostro monasterio pertinentibus et vulgariter dictis in der gnôssami vendere et alienare non debent nec vendendi vel alienandi aliter aliquam habeant potestatem, renunciantes insuper in huiusmodi concessionis contractu pro nobis nostrisque successoribus universis beneficio restitucionis in integrum omnique auxilio iuris canonici et civilis et generaliter omnibus accionibus, per quas predicta concessio et donacio posset infringi vel aliqualiter infirmari. Et in premissorum omnium testimonium atque robur sigilla nostra duximus presentibus appendenda. Datum et actum in monasterio nostro predicto anno ab incarnacionis^d) domini millesimo trecentesimo quadragesimo sexto, octavo kalendas maii, indicione quartadecima.

Source Fulltext: Chartularium Sangallense VI, Nr. 3978, S. 510-512.