Ich Hainrich der Linde burger ze Costentz kv´nd vnd vergih offenlich an disem brîef, das mir Gerwîg der Blarrer burger ze sant Gallen | geben hat des ersten sehzek gvldin, da kam ie der gvldin vmb nv´n schilling vnd nvn pfenning Costenzer mv´ns, vnd aber do fv´nf vnd || drissig pfvnt vnd ainlv´f schilling der vorgenanten mv´ns, vnd Johans Arnolt och burger ze sant Gallen het mir geben vier vnd zwainzek || pfvnt pfenning der selben mv´ns, vnd bin des selben gůtz von inen gewert fv´r siben vnd drissig mark silbers gůtz vnd ga^ebs Costentzer gewa^eges von der burger wegen von sant Gallen, der sv´ schvldig wârent hern Bertholten von Kv´nsgesegge¹ von der stúr, so im der kayser an sv´ gerihtet hatt². Vnd des ze vrkv´nde der warhait gib ich min insigel an disen brief. Der ist ze Costentz geben, do man von Cristes gebúrte zalte drúzehenhvndert jare, dar nach in dem nv´n vnd drissigosten jare, an der nehsten mitwochen nach inga^entem brachot.

Source Fulltext: Chartularium Sangallense VI, Nr. 3713, S. 299.