Wir Karl von gotes genaden Ro^emischer keyser zu allen ziten merer dez reiches vnd ku^enig zu Behem⁴ en||bieten dem burgermeister vnd dem rat der stat ze sant Gallen vnsern lieben getrewen vnser genad vnd alles || gůt. Wir mainen vnd wellen, daz ir di gewonnenen stew^er, die ir vns ia^erlich schuldig sit ze geben von dez heligen || Ro^emischen reichs wegen, gebent von vnsern wegen vnd in vnserm namen Ru^edigern Manes burgermeister ze Zúrich⁵ vnserm lieben getrew^en uf sant Martins tag, der nu schirst chůmet. Wenn^e daz geschiht, so sagen wir euch der selben stew^er ledig quitt vnd los gar vnd genclichn mit vrchu^end ditz briefes versigelt mit vnserm kleinen angedruckten insigel. Geben ze Nu^erenberg dez nehsten ffreitages vor vnser frawn tag ze liehtmezz^e, do man zalt von gotes gebůrt dreuzehenhundert iar, dar nach in dem zwei vnd sehtzigisten iar, vnserr reich^e in dem sehtzehenden vnd dez keisertůmes in dem sibenden jare.

Source Fulltext: Chartularium Sangallense VIII, Nr. 4782, S. 3-4.