In gottes namen amen. Wir die burgermaister die amman^a) die ra^et vnd die burger alle gemainlich dirre nachgeschriben stette Costentz, Zúrich, sant Gallen, Lindowe^b)1, Rauenspurg^c)2, V´berlingen³, Wangen⁴ vnd Bůchorne^d)5 tůnt kunt vnd vergehin offenlich mit disem | brief || allen, die in ansehent oder ho^erent lesen, das wir von gebottes vnd haissens wegen des dvrlúhtigen fúrsten v´nsers gena^edigen herren kayser Karlen Ro^emschen kaysers vnd kúnig ze Beham^e) vnd svnderlich durch nutz vnd fromen vnd schirm v´nser lip vnd gůt | ainer || getrúwen geselschaft vnd buntnúst mit anander v´berain komen sigin, also das wir zů anander gelobt vnd gesworn habin, wa^er daz der vorgenanten stet vnd burger, so in dirre buntnúst sint ald noch darin koment, dekainer âne recht von ieman angriffen oder || ge|schadgot wrde an lúten an lip oder an gůt an v´nsren frihaiten rechten oder an v´nsren gůten gewonhaiten, das wir da getrúlich anandren beraten vnd beholfen^f) sin vnd wesen so^elin gegen allen^g), die v´ns den angriff vnd den schaden tůnt. Vnd weli stat oder burger, so in dirre buntnúst sint ald noch darin koment, also von ieman geschadgot wrdint, erkennet sich danne der rât der selben stat oder der mertail vnder inen, das in vnrecht beschehen sie, die hant danne gewalt, die andern stette vmb hilf ze manend, also das sie den stetten in dirre buntnúst ainen tag verkvndint an gemain stette, da si dvnkt, das es den stetten aller komenlichest sie, ân geuerde. Vnd dv´ selb stat, dv´ danne gemant hât, sol och dem danne verkúnden an die selben stat, der den schaden getân hât, ob sich der vff den selben tag versprechen welle. Vnd sont och danne die selben stette alle, die danne gemant sint, vnd ir ieglichv´ besvnder zwen erber oder drye von ir ra^eten vff den selben tag mit vollem gewalt senden, die da beliben vnd och niemer von dannen komen sont, e das si sich da erkennent vnd ze rât werdent, wie denen, die danne gemant hant, vnuerzogenlich beholfen werd, das inen danne ga^entzlich widertân vnd abgelait werde der schad vnd gebrest, den sie vor den selben ir aidgenossen den stetten kuntlich gemachon múgend, der inen danne beschehen sie. Wolt aber der danne, der den schaden getân hât, den selben angriff lieplich vnd frúntlich ga^entzlich^h) ablegen, wenne das beschicht, so sol es danne an den andren stetten stan, wie er die fra^eueli vnd den angriff nach ir willen wider diene. Wa^er aber, das ieman den oder die, die v´ns angriffent oder schadgent, schirmti oder hulfi enthielti husoti oder hofoti essen oder trinken ga^eb nach dem angriff, gegen dem oder gegen den so^elin wir anander getrúlich beraten vnd beholfen sin des besten âne geuerde ze gelicher wis als gegen dem oder gen den, die den schaden getân hant. Wa^er och, das der dekainer, die den schaden getan hant, in dekain stat ka^eme, so in dirre buntnúst sint, vnd das der das verkúndet wa^er von der stat, dv´ geschadgot wa^er, das er den schaden getan habⁱ⁾, des lip vnd gůt sont si danne heften vnd och darzů alsuss halten, vntz er ga^entzlich den schaden, den er getan hât, abgelait vnd widertân hab. Wa^er och, das man ieman besitzen wurde, so sol ie dv´ stat, die dv´ sach angât vnd vmb hilf gemant hett, den kosten dar lihen von werchen vnd von búwen vntz vff das zil, das das gesess zergat, so sol dv´ selb stat, dv´ den kosten dar gelihen hât, den andren stetten, die in diser buntnúst sint ald noch darin koment, ze sament gebieten vff ainen tag vnd si dar manen bi dem aid, vnd sol danne der selben stette ieglichv´ besvnder zwen oder drye erber man von ir ra^eten vff den selben tag senden, vnd sont die danne gemainlich den kosten an legen ald der mertail vnder inen nach ieglicher stat gewonlichen stúr âne geuerde, doch das die von Zúrich nit mer daran geben sont danne die von Costentz. Vnd was danne ieglicher stat also vffgelait wirt vnd gezúhet ze gebend, das sol man darnach inrent den na^ehsten zwain manoden gelten âne fúrzug ald aber gewonlichen schaden darvmb liden, so vff so vil gůtes gan mag, ob das selb gůt an schaden genomen ist. Wa^er och, das wir gemainlichen, die in dirre buntnúst sint, dekain botschaft iendert hin tůn woltint, den kosten so^elin wir och gemainlich gelten nach der mark zal v´nser stúr, als vorgeschriben stat, ald aber den schaden darvmb liden, als vorgeschriben stat, âne geuerde. Wa^er och, das wir die stette, so zů diser buntnúst ho^erent, ald ir burger dekainer von gemainer stat wegen, das ir stat antra^effe, gegen dem andern sto^ess ald missehellvng gewinne, die wil disv´ buntnúst werot, vmb dekainer hand sach, darvmb sont die na^echsten drye stette ir erberen botschaft von ir ra^eten darzů senden vnd sich der sach vnderwinden ze richtend ze den minnen^k) oder ze dem rechten, vnd sont och die selben stette der richtvng gehorsam sin bi dem aid, vnd^!) ob es si notdúrftig dunkt, so mugend si der selben stette, so in dirre buntnúst sint, zů inen manen, als vil sv´ wend, die die selben sto^ess mit inen helfint berichten, als vor ist beschaiden. Wa^er och, das dekain stoss oder zerwurfnúst vff stu^end in der selben stette dekainer, so in diser buntnúst sint ald noch darin koment, des der rât der selben stat nit gewaltig mo^echt sin, so sont die andren stette ir erberen botschaft von ir ra^eten darzů senden bi dem aid, als bald si des^m) innan werdent, âne geuerde, vnd sont die selben sto^ess richtenⁿ⁾ ze minnen oder ze dem rechten, als verre si mugend, âne geuerde. Vnd wedre tail in danne der richtung nit gehorsam welti sin, so sont die selben stette dem gehorsamen tail zů legen vnd beholfen sin bi dem aid âne geuerde. Es sol och ain ieglich burger, so in diser buntnúst sint, gen dem andern recht nemen an den stetten, da er gesessen ist, vmb redlich gúlt, also das der kleger sicher sie, die wile er sin recht su^echet, âne geuerde. Es sol och niemam^o) den andern, so in dirre buntnúst sint, heften noch verbieten won den rechten schuldner oder^p) gúlten ald búrgen, der im darvmb gelobt hât. Es mag och ain ieglichv´ stat, so in diser buntnúst sint, sich fúrbas zů herren vnd stetten verbinden dirre buntnúst vnscha^edlich. Es ist och beredd, was krieg sto^ess oder missehellvng wir oder v´nser stette vnd burger mit ieman gehebt habent vormals vnd herbracht habent in diss buntnúst, das wir darvmb anander niht ze manend habent. Was aber sto^ess missehellvng vnd krieg dekain stat, so in dirre buntnúst ist ald noch darin komet, von ieman angat, die wil disv´ buntnúst weret, da so^elin wir anander ernstlich beholfen sin, als vorgeschriben stat, och nach dem zil, so disv´ buntnúst vss kunt, vntz das die sto^ess oder krieg vssgericht werdent. Wa^er och, das ieman den stetten, so in diser buntnúst sint ald noch darin koment, schaden oder vigendschaft an legen wolt nach dem zil, so disv´ buntnúst vss kunt, von der ding wegen, so danne in diser buntnúst vff geloffen sint, darvmb so^elin wir anandern mit gůten trúwen ernstlich zůlegen vnd beraten vnd beholfen sin bi dem aid, als vorgeschriben stat, vntz das dv´ stat der vigendschaft vnd des schaden ga^entzlich entladen werde. Es hant och die von Costentz in dirre buntnúst vss gelassen iren herren den bischoff von^q), wa^er das er von sin selbs ald von sines gotzhus wegen in dekainen krieg vieli mit den stetten gemainlich, so in dirre buntnúst sind ald noch darin koment, ald mit dekainer vnder inen, da sint die burger von Costentz gebunden bi dem aid, das ze richtend mit liep, so ferre si mugend, mo^echt aber das nit sin, so sont die burger von Costentz weder irem herren dem bischoff noch den stetten nihtes beholfen sin in der sach. Wa^er och, das v´nser herre der bischoff von Costentz gegen v´ns den stetten, die in diser buntnúst sint ald noch darin koment, ald gen ir dekainer iemans helfer wolti sin, das inen ze schaden komen mo^echt, da sint die burger von Costentz gebunden, den selben iren aidgenossen ze helfend âne fúrzug, als vorgeschriben stat. Es ist och beredd vmb die burger von Costentz, wa^er das ir herre der bischoff ald sin nachkomen si ihtes bekv´mbern oder drengen wolt wider ir rechten oder^r) gůten gewonhaiten, des sich der rât oder der mertail vnder inen erkandin vff den aid, so sol man inen gen dem selben irem herren dem bischoff beholfen^s) sin vff den aid, als vorgeschriben stât, alle die wile disv´ buntnúst werot. Wolt aber danne der selb v´nser herre der bischoff der sach den andren stetten, so in dirre buntnúst sint, getrúwen vnd vff si komen, des sont och die von Costentz willig sin ze tu^end. Woltint si aber des nit tůn, so sont inen die andern stett in der sach gen irem herren dem bischoff nihtes beholfen sin. Was och den burgern von Costentz hie vor in dirre sach gegen irem herren dem bischoff geschriben vnd behalten ist, das ist^t) och den von Zúrich gen ir frowen der a^ebtissennen, den von sant Gallen gen irem herren dem apt von sant Gallen vnd denen von Lindowe^b) gen ir frowen der a^ebtissennen ze gelicher wis behalten^u), ân^v) geverde. Svnderlich so hant die von Zúrich in dirre buntnúst vorbehebt vnd vssgelassen die hoherbornen fúrsten die herzogen von O^esterrich^w), die wile vnd dú buntnúst weret, so si vor dirre buntnúst mit inen getân hant, ân alle geuerde. Wie aber das ist, das die von Zúrich die selben herschaft von O^esterrich^w) vssgelassen hand, als vor ist beschaiden, ob es danne dekainer zit, die wil disv´ buntnúst weret, darzů ka^eme, das si von der herschaft von O^esterrich^w) oder von ir helffern angriffen oder geschadgot wrdint vnd si danne darzů v´nser vorgenanten stett hilf bedroftint, wenne wir danne darvmb von dem amman vnd dem rât ze Pfullendorf⁶ gemant werdent von^x) des richs wegen mit ir stat besigelten brief, so so^elin wir die obgenanten stette alle^x) den selben von Zúrich beholfen sin gen der selben herschaft von O^esterrich^w) vff die aid, die wir gesworn hant. Das selb ist och v´ns den stetten behalten, so in dirre buntnúst sint ald noch darin koment, wa^er das dv´ selb herschaft von O^esterrich^w) oder ir helfer si inwendig dem zil, als sich die von Zúrich zů inen verpflichtet hant, schadgotent, wenne danne die^y) selben von Zúrich och darv´ber von dem amman vnd dem rât ze Pfullendorf mit ir stette besigelten brief von des richs wegen gemant^y) werdent, so sont die selben von Zúrich v´ns den stetten gen der herschaft von O^esterrich^w) in dem selben recht bi dem aid beholfen sin. Wenne sich och dv´ zil ergangen hant, als sich die von Zúrich zů der herschaft von O^esterrich^w) verbunden hant, als vor ist beschaiden, so hant die von Zúrich v´ns die stette vnd och wir die stette die selben von Zúrich gewalt anander ze manend, vnd so^elin och danne anander getrúlich beraten^z) vnd beholfen sin, alle die wile disv´ buntnúst werot, vff die selben herschaft von O^esterrich^w) als vff ander lút. Och hant die von Zúrich in selber vorbehebt vnd vssgelassen die aid vnd die buntnúst, so si och vor dirre buntnúst getan hant mit ir^aa) aidgenossen von Bern von Lucern⁷ von Vre^ab)8 von Switz⁹ vnd von Vnderwalden¹⁰ vnd die zů in ho^erent, vnd sont och diss stette inen gen den och nit helfen. Och haben wir die andern stette alle âne die von Zúrich v´ns selber vssgelassen die buntnúst, die wir von^ac) diser buntnúst getan hant mit den von Schaûffhusen^ad)11 vnd den^ae) von Pfullendorf, die wil vnd dv´ selb buntnúst werot, ân alle geuerde. Wa^er och^af), ieman zů v´ns in diss buntnúst bergti^ag) ze komen von herren oder von stetten, den mugen wir wol zů v´ns enpfahen vnd in die buntnúst nemen, ob wir sin alle gemainlich vnd ainhelklich v´ber ain komint. Wa^er och, das wir dekain stuk, so in dirre buntnúst vnd an disem brief verschriben ist, nv oder hernach meren oder minren woltin, das mugin wir wol tůn, ob wir sin gemainlich vnd ainhelklich v´berain koment, vnd nit anders. Es sol och ieglichv´ stat, so in dirre buntnúst sint, ga^entzlich beliben bi ir rechten gerichten fryhaiten vnd gůten gewonhaiten, als wir si in diss buntnúst bracht habint, ân alle geuerde. Wir die vorbenempten stette habin och alle gelobt vnd och^ah) gesworn gelert aid ze den hailigen, diss buntnúst vnd och alles das, so an disem brief verschriben ist, mit gůten trúwen sta^et ze hend vnd anander getrúlich ze ratend vnd ze helfend, alle die wile so v´nser vorbenempter herre kayser Karle in lip ist, vnd nach sinem tode dv´ na^echsten zwai iar vngeuarlich, doch dem hailigen Ro^emschen rich vnscha^edelich. Vnd ob es ze schulden kunt, das ieman in dirre sach von dem andern^ai) vmb hilf gemant wirt, die helf sigin wir anander gebunden ze tu^ende in den ziln vnd kraissen, als hie nach geschriben stat, also das die von Zúrich v´ns den stetten noch wir die stette den selben von Zúrich vsswendig den selben kraissen nit gebunden sigin anander ze helfent, wir tu^egint es danne gern. Das ist, da dv´ Ar^ak)12 entspringet, vnd die selben Arn^ak) ab vntz an die stat, da si in den Rin¹³ gat, vnd danne den selben Rin vff vnd Vndersewe¹⁴, Obersewe^al)15, Bodemsewe^am)16 vffvntz gen Pregentz¹⁷ vnd och vsswendig, als die selben sewe vnd der Rin ietz verschriben sint, dryer rnile braite, vnd danne von der Pregentz^an)18 vff vntz ze dem crútze vff den Arlberg¹⁹ vnd vff den Setmon²⁰ vnd vff den Gothart²¹ vnd och die selben kraisse vnd witinen, als die snewschlaiffinen vnd och dv´ wasser von den gebirgen her in in Kurwalhen²² in den Rin fliessent vnd in den Bodemsewe^ao). Aber wir die andern obgenanten stette, die in diser buntnúst sint, âne allain die von Zúrich, so^elin anander getrúlich geraten vnd beholfen sin in den vorbenempten kraissen vnd och vsswendig den obgenanten ziln vnd kraissen vngeuarlich gegen allen den, die v´ns schadgont vnd angriffent, bi den aiden, die wir gesworn hant, vnd och in der wise, als vorgeschriben stât. Vnd ze warem vnd offem vrkúnd vnd sta^eter werender sicherhait aller dirre vorgeschriben dinge, das dv´ war vnd sta^ete von v´ns behalten werdent, so haben wir vorbenempten stette ieglichv´ besvnder ir stette insigel gehenket an disen brief. Der ist ze Costentz geben, do man von Cristes gebúrt zalt drúzehenhvndert jar, darnach in dem zwai vnd sehtzigosten jar, an sant Mathies^ap) abend des zwelfbotten.

Source Fulltext: Chartularium Sangallense VIII, Nr. 4788, S. 7-11.