Wir Karl von gots genaden Romischer keiser zu allen czeiten merer des reichs vnd kunig zu Beheim || embieten den burgermeistern dem rate vnd den burgern gemeinlich der stat zu sant Gallen vnsern || vnd des reichs lieben getrewen vnser genade vnd alles gut. Vmb die gewonlich stuere, die ir vns || vnd dem reiche schuldig sit zu geben, empfelen wir vwern trewen vnd gebieten vch ernstlich bie vnsern vnd des reichs hulden, das ir die selben stuere auf sant Mertins tag, der schierst kunftig ist, dem edelm Friderich burggrauen zu Nuremberg³ vnserm lieben sweher vnd getrewen von vnsern vnd des reichs wegen geben vnd beczalen sullet, also das ir ym ie fúr sechczendehalben schilling rechen sullet, als ir ouch das vor beczalt habt, vnd wenn ir das getan habt, so sagen wir euch der selben steure von diesem jare quijt ledig vnd los. Mit vrkunde dicz briefes vorsigelt mit vnser keiserlichen maiestad insigel. Der geben ist zu Rome nach Cristus geburt dreyczehenhundert jar, dar nach in dem acht vnd sechczigsten jare, an sant Symon vnd Judas tage der heiligen czwelfboten, vnser riche in dem drey vnd czwenczigsten jare vnd des keisertums in dem vierczenden jare.

Source Fulltext: Chartularium Sangallense VIII, Nr. 5151, S. 320.