Wir Steph(e)n vnd wir Fridr. gebruder von gotts genaden pfallentzgrafen by Rein vnd hertzogen in Beyern¹ || etc. bechennen offenlich mit dem bri^ef, alz der durchleuchtig fu^erst vnd herr her Wentzclaw Romischer || kunig zu allen zeiten merer des reichs vnd kunig zu Behein vns vorgenant(em) hertzog Fridr. enpfolhen || vnd eingeantwurtt hat die lantuo^egteien zu Obern vnd zu Nidern Swaben mit allen stewern ra^ennten nu^etzen anfa^ellen vnd zu gehornden, als wir des sein bri^ef haben, vnd wann vns die erbern weysen vnser lieb besunder vnd getrew der burgermaister ra^ete vnd all di burger gemainlich der stat zu sandt Gallen irer stat ierliche vnd gewo^enliche stewer, di sy dem heiligen reich von disem jar vnd auf sand Marteins tag, der nachst vergangen vnd hin ist, pflichtig vnd verfallen sind ze richten vnd ze geben, gentzlichen gewert vnd betzalt habend, darumb so sagen wir sy vnd ir stat der egeschriben irer stat gewo^enlich stewer von disem jar vnd auf das vorgenant vergangen zil fu^er vns vnd das reich allerding quidt ledig vnd los gentzlichen vnd gar mit disem bri^efe. Besunder haben wir vorgenant hertzog Steph(e)n vnd hertzog Fridr. den egenanten burgern der stat zu sand Gallen das versprochen vnd verheissen, ob das wa^er, das sy von der egenanten stewer wegen von vnserm herrn dem kunig oder von y^emand anders ymmer an geraicht oder becherenkcht wurden, das wir vnd vnser erben vnuerschaidenlich in das aus richten vnd vertreten sullen an allen irn schaden. Mit vrchund ditz bri^efs, daran wir vnseren anhangenden insigl offenlich gehenkt haben. Der geben ist zu Lantzhůt² an sand Kathrein tag anno domini millesimo CCC^mo. LXX^mo nono.

Source Fulltext: Chartularium Sangallense IX, Nr. 5754, S. 427-428.