Wir Wenczlaw von gotes gnaden Romischer kunig zu allen czeiten merer des reiches vnd ku||nig zu Beheim embieten dem burgermeister rate vnd burgern gemeinlichen der stat zu || sant Gallen vnsern vnd des reiches lieben getrewen vnser gnade vnd alles gut. Vmb die ge||wonliche stewre, die ir vns vnd dem reiche jerlichen pflichtig seyt zugeben, empfelhen vnd gebieten euch ernstlichen vnd vesteclichen bey vnsern vnd des reichs hulden, das ir dieselben stewre dem hochgebornen Fridrichen pfalczgrauen bey Reyne vnd herczogen in Beyern³ vnserm lieben oheim vnd fursten vff sant Merteyns tage, der schierst kumpt, gebet vnd beczalet ye fur sechczehenthalben schilling heller eynen guidein, als ir das vert habt beczalet, vnd wenn ir das also habt getan, so sagen wir euch derselben stewre von vnsern vnd des reiches wegen als von disem jare quijt ledig vnd los. Mit vrkund dicz brieues versigelt mit vnsrer kuniglichen maiestat ingesigele. Der geben ist zu Frankenford vff dem Mewne nach Crists geburte dreyczenhundert jar, dornach in dem eynvndachczigistem jare, am nehsten donerstag nach sant Lamprechts tag des heiligen bischoues, vnsrer reiche des Behemischen in dem newnczehendem vnd des Romischen in dem sechsten jaren.

Source Fulltext: Chartularium Sangallense IX, Nr. 5866, S. 530-531.