Wir Fridr. von gotes genaden pfallenczgrafe by Rein herczog in Beyern¹ des heiligen Ro^emi||schen reichs o^eberister lantuogt in Obern vnd Nidern Swaben etc. bechennen vnd tu^en || chunt offenlichen mit dem bri^ef, das vns di ersamen weysen vnser lieb besunder || der burgermaister der rat vnd gemainlichen di burger der stat zu sand Gallen verriht vnd bezalt habend iren gewo^enlichen statstewer, der sy vns von des reichs wegen schuldig vnd pflichtig zu geben sind auf sand Marteins tag, der nu schi^erst chomet, derselben statstewer von dem schi^erst chu^enftigen sand Marteins tag sagen wir sy vnd ir stat genczlichen quidt ledig vnd los fu^er vns vnser bru^eder vnd all vnser erben mit dem bri^ef. Der geben ist zu Vlm versiglt mit vnserm anhangenden insigel an freytag vor sand Gallen tag nach Kristi gebu^ertt drewczehen hundert jar vnd darnach in dem ainen vnd achczgisten jare.

Source Fulltext: Chartularium Sangallense IX, Nr. 5870, S. 534.