Wir Wenczlaw von gotes genaden Romischer kunig czu allen czeiten merer des reiches vnd kunig || zu Beheim embieten dem burgermister rate vnd burgern gemeinlichen der stat ze sant Gallen || vnsern vnd des reichs lieben getrewen vnser gnade vnd alles gut. Vmb die gewonlich stew^er, || als ir vns vnd dem reich jerlich vff sand Merteins tag zegeben pflichtig seit, heissen vnd gebiten wir euch ernstlich vnd vesticlich mit diesem briefe, das yr dieselb stew^er des nehsten sand Merteins tag als von diesem jare vnserm lieben getrewen Hansen von Bodmen dem jungsten Hansen von Bodmen⁴ des eltersten su^en gebet richtet vnd betzalet. Wann so ir das getan habt, so sagen wir euch derselben sand Merteins tag stewr als von diesem jare von vnsern vnd des reiches wegen genczlich vnd gar qweit ledig vnd los. Mit vrkunt ditz briefs versigelt mit vnser kuniglicher maiestat insiegele. Der geben ist zu Luczemburg⁵ nach Crists gepurt dreyczenhundert jar, darnach in dem vyervndachtzigistem jar, an vnser frawen tag nativitatis, vnser reiche des Behemischen in dem XXII. vnd des Romischen in dem newndem jaren.

Source Fulltext: Chartularium Sangallense X, Nr. 6037, S. 208.