Wir Wenczlaw von gots gnaden Romischer kung zu allen zeiten merer des reichs vnd || kung zu Behem empieten dem purgermeister rate vnd purgern gemeinlichen der stat || zu sante Gallen vnsern vnd des reichs lieben getrewen vnser gnade vnd alles^a). Lieben ge||trewen, vmb soliche gewonliche stewre, die ir vns vnd dem reiche jerlichen pflichtig seit zu geben, entpfelhen vnd heissen wir euch ernstlich vnd vesticlich bey vnsern vnd des reichs hulden, das ir dieselbe stewre Hansen von Bodemen³ dem jungen vnserm vnd des reichs lieben getrewen antwortet vnd gebet vff sante Mertins tag, der schirest kumfftig ist, als gewonlich ist vnd als ir die vormals betzalet habt, vnd wenn ir das getan habt, so sagen wir euch derselben stewre von vnsern vnd des reichs wegen als von disem jare quijt ledig vnd los. Mit vrkund dicz briues versigelt mit vnser kunglichen maiestat ingesigel. Geben zu Berne⁴ nach Cristus geburte dreiczenhundert jare, darnach in dem fumffvndachtzigstem jare, des donrstags nach vnserr frawen tag assumpcionis, vnser reiche des Behemischen in dem dreivndczwenczigsten vnd des Romischen in dem czehenden jaren.

Source Fulltext: Chartularium Sangallense X, Nr. 6103, S. 292.