Offic(ialis)^a) curie Constan(ciensis) omnibus presencium inspectoribus subscriptorum noticiam cum salute. Noveritis, quod Johanne dicto Burgower rectore ecclesie parrochialis sancti Laurencii¹ || apud sanctum Gallum Const(anciensis) dyocesis peremptorie citato in chorum Const(anciensem) ad feriam quintam ante festum beati Jacobi apostoli querimoniis actorum syndici seu procuratoris providorum et discretorum magistricivium consulum scabinorum et universitatis opidi sancti Galli dicte dyocesis et eciam actorio syndicatorio seu procuratorio nomine eorundem sententialiter responsuro et citato predicto personaliter et discre||to Conrado dicto Burg actore syndico seu procuratore ipsorum magistricivium consulum scabinorum et universitatis et nomine actorio syndicatorio seu procuratorio eorundem coram nobis dicto die in iudicio comparentibus et occasione subscriptorum multipliciter contendentibus et disceptantibus, ipse citatus videlicet Johannes Burgower predictus tandem sponte et libere fatebatur dixit et recongnovit eciam coram nobis in iudicio, quod subscripta omnia et singula et prout subscribuntur facienda essent et fieri deberent de consuetudine antiqua bona laudabili racionabili et prescripta. Et primo quod cessante ecclesiastico interdicto qualibet die in dicta ecclesia parrochiali missa publica de tempore de sanctis vel pro defunctis secundum quod occurrit cum nota sollempniter et ordinate per totum decantetur, item quod eciam cessante ecclesiastico interdicto in tribus festivitatibus per tres dies in circumcisione domini in epyphania domini in dominica palmarum in ascensione domini in festo corporis Christi in omnibus festis sancte Marie virginis in festo sancti Johannis Baptiste in festis omnium apostolorum in festo omnium sanctorum et in commemoracione omnium animarum in cena domini in parascaphe in sabbato sancto in festo beate Marie Magdalene in festo beati Laurentii et in festo dedicacionis ipsius ecclesie parrochialis in eadem ecclesia parrochiali matutinum cum nota sollempniter et ordinate per totum decantetur, item quod rector seu plebanus ipsius ecclesie parrochialis omnibus subditis eiusdem ecclesie parrochialis maribus^b) et feminis divitibus et pauperibus maioribus et minoribus sanis et infirmis tam in dicto opido sancti Galli quam extra ipsum morantibus ad audiendum suas confessiones et ad ministrandum sibi ecclesiastica sacramenta debet esse benivolus obediens promptus et paratus et nequaquam in ea parte negliens vel remissus et quod eciam subditis eisdem, sicut aliquandociens hactenus est attemptatum, tempore sue infirmitatis imponi seu iniungi non debet, ut eukaristie et extreme unctionis sacramenta simul recipiant, quia ipsa sacramenta successive vel simul secundum quod per ipsos infirmos vel pro parte eorum petitur sibi debent ministrari. Item quod rector seu plebanus ipsius ecclesie parrochialis religiosos mendicantes seu seculares presbiteros sermonem ad populum in ipsa ecclesia parrochiali sincere facere volentes, in huiusmodi sermonibus non debet impedire nec retardare. Et deinde omnia prescripta et prout prescribuntur et eciam alias bonas et laudabiles consuetudines dicte ecclesie et prefatis magistroeivium consulibus scabinis et universitati ab antiquo servari consuetas sive in celebracionibus divinorum sive aliis quibuscumque consistant, bona fide et sine dolo et fraude observare et attendere et contra hec deinceps non facere nec venire ipse Johannes Burgower firmiter promisit seque tamquam ipsius ecclesie parrochialis rectorem ad hec efficaciter astrinxit eciam per fidem nomine iuramenti submittens eciam se tali pene, quod si premissa deinceps non servaret seu in eis negliens vel remissus foret, quod obinde monitione octo dierum previa a nobis tamquam pro re in iure confessata et pro manifesta offensa valeat et debeat exeommunicari et aggravari, tamdiu et quousque de huiusmodi non servatis negliens vel remissus condigne satisfaciat et ipsa emendet, adhibitis in premissis omnibus et circa ea verborum et gestuum sollempnitatibus debitis et consuetis. In quorum omnium testimonium sigillum nostri officialatus presentibus est appensum. Datum Constan(cie) anno domini M°CCC°LXXX quinto dicta feria quinta ind. VIII^a. R(edde).

Source Fulltext: Chartularium Sangallense X, Nr. 6101, S. 290-291.