Wir Ludowig von gots genaden Romischer keyser ze allen ziten merer des richs enbieten den weysen || luten . . dem amman . . dem rat vnd den burgern gemeinchlich ze sand Gallen vnsern lieben getrewen || vnser hulde vnd allez gu^et. Wir wellen vnd gebieten ew vestichlich mit disem brief, daz ir vnserm lie||ben getrewen Chůnr. hertzogen von V^erslingen¹ antwurt vnd gebet iur gewonlich stiwer, die ir vns vnd dem riche vf sand Marteins tag, der schierist chumt, schuldig seit zegeben nach seiner brief sage, die er von vns dar vmb hat². Vnd swenn ir daz getan habt, so sagen wir iuch der selben ewrer gewonlichen stiwer von dem selben sand Marteins tag vnd darnâch vber ein gantzes iar ledig vnd lo^es mit disem gagenwurtigen brief. Vnd erchennen auch, daz ir vns dann von dem iar gestiwert habt. Ze vrchunde dises briefs, der geben ist ze Pazzowe³, an dem donerstag nach Galli, da man zalt von Christus geburt driutzehenhundert iar, darnach in dem vierden vnd dreizzigstem iar, in dem zweintzigstem iar vnsers richs vnd in dem sibenden des keysertums.

Source Fulltext: Chartularium Sangallense VI, Nr. 3565, S. 197.