Wir Ludowig von gotes gnaden Romischer keyser ze allen ziten merer dez richs veriehen of||fenlichen an disem brief, daz wir den wisen lúten . . den burgern gemainlichen ze sant Gallen vnsern || lieben getriwen diu gnade getan haben mit disem brief, daz si ein vngelt in der stat ze sant Gallen || vf setzen vnd daz inne haben vnd niezzen, als zitlich^a) vnd gwonlich ist, an alle irrunge. Vnd sol diu gnade wern als lange biz an vnser widerru^effen. Vnd dar vber ze einem vrchu^ende geben wir in disen brief mit vnserm keyserlichem insigel versigelten. Der geben ist ze Vberlingen¹ an suntag vor sant Vites tag, da man zalt von Christes geburt driuzehen hundert iar, dar nah in dem vier vnd dreizzigestim iar, in dem zwainzigestim iar vnsers richs vnd in dem sibenten dez keysertûmes.

Source Fulltext: Chartularium Sangallense VI, Nr. 3553, S. 191.