Wir Ludowig von gottes genaden Romischer kaiser ze allen ziten merer des richs || enbieten den wisen livten . . dem amman .. dem rat vnd . . den burgern gemainlichen || zv^o sant Gallen vnsern lieben getrewen vnser hulde vnd alles gůt. Der hundert mark || sibers^a) vnd hundert phunde haller, die wir verschaffet hatten vf ivwer stivre dem edeln manne Chůnrat genant hertzog von v´rselingen¹, wan ir in derselben hundert march vnd an den hundert phunde hallern sechs mark silbers gewert habent, vnd wir wellen, daz ir in der hundert phunde haller volle richtent vnd weren, so sagen wir ivch der selben hundert vnd sechs mark silbers ledig vnd los mit disem brief, vnd wenn ir in der hundert phund haller an die sechs mark gewerent, waz danne v´ber wirt ivwer stivre, daz wellen wir, daz ir daz gebent vnd verrichtent den edeln mannen Berchtolt vnd Eberharten von Kivngesegge², vnd wanne ir daz getan habent, so sagen wir ivch sin och ledig vnd los mit disem brief. Der geben ist ze Mivnchen, des sunnentages vor vasenacht, in dem zwai vnd zwaintzigstemjare vnsers richs vnd in dem nivndem des kaisertv^omes.

Source Fulltext: Chartularium Sangallense VI, Nr. 3605, S. 222.