Wir Ludowig von gottes gnaden Romischer kaiser ze allen ziten merer des richs veriehen || offenlichen an disem brief, daz vns die wisen livte der amman . . der rat vnd die burger || gemainlichen ze sant Gallen der stivre, die si vns zv^o sant Martins tag, der na^ehste hin ist, ge||geben solten haben, gar vnd ga^entzelichen gericht vnd gewert haben, vnd der selben stivre sagen wir si von dem selben sant Martins tag vber ain gantzes iare ledig vnd los mit disem brief, den wir in darivber geben ze vrkivnde versigelten mit vnserm insigel. Der geben ist ze Auspurg, an dem palmetage, nach Kristes geburt drivzehenhundert jare, darnach in dem sechs vnd drizzigistem iare, in dem zwai vnd zwaintzigstem iare vnsers richs vnd in dem nivndem des kaisertůmes.

Source Fulltext: Chartularium Sangallense VI, Nr. 3613, S. 225.