Allen^a) den, die disen brief ansehent lesent oder ho^erent lesen, kúnden wir die nâchgenemten Bartholo||me Blârrer vnd Walther O^edler, den man nemmet Wa^elti von Hof, phleger der veltsiechen an dem Lin||sibu^el¹ bi der stat ze sant Gallen vnd veriehen offenlich mit disem brieue fúr v´ns vnd fúr alle v´nser nâch||komen, won der êrsam herr Karl der Staiger von Kemptun² ain priester luterlich durch got vnd durch siner sêl hailes willen v´ns an der selben veitsiechen stat vnd zv^o iren handen geben hat drissig phunt vnd siben phunt phenning gůter Costentzzer múnse, da mit wir dem hus vnd den selben veltsiechen vnd allen iren nâchkomen geko^vffet habent daz gůt, daz man nemmet daz Wîlle³, gelegen bi dem Friien dorf⁴, dar an er dem hûs vnd den selben veltsiechen alz nutzlich vnd gůt dienst erzo^egt vnd getân hât, die selben nutzlichen dienst wir an gesehen vnd erkent habent, vnd habent dem selben hern Karlen dem Staiger darumb willeklich gelobt fúr v´ns vnd fúr alle v´nser nâchkomen, wenne der selb herr Karl vnd Adelhait Leberin von Kemptun sin kellerin baidú ab sterbent vnd ensint von todes wegen, daz wir danne vnd alle v´nser nâchkomen, weli dann ie der selben veltsiechen phleger sint, dannenhin aller ja^erlich vnd iemer mêr êweklich vff den tag, alz danne dez selben hern Karlen jârzit vellet, von den nútzzen, die daz vorgeschriben gůt, daz man nemmet daz Wîlle, ja^erlich giltet, ainem priester, der danne der vorgedâhten veltsiechen lútpriester vnd cappelan ist, fúnf schilling phenning gůter Costentzzer múnse ân fúrzug geben sont, darumb daz er sin getrúlich gedenk vnd sin jârzit vff den selben tag begang mit allen dingen, alz man tůt vnd tůn sol. Darzů súllent wir o^vch vff den selben tag vnd von den vorgeschribenen nútzzen dez selben gůtes, daz man nemmet daz Wîlle, den veltsiechen an dem Linsibu^el, ir sient wenig oder vil, o^vch fúnf schilling phenning der vorgeschribenen múnse geben vmb visch oder vmb flaisch vmb win oder vmb brôt, waz sú dann ie wellent, daz in ir mâl vff den selben tag da mit gebessrot werd, darumb daz sú dez selben hern Karlen getrúlich gedenkent vnd got fúr in bittent. Vnd ze vrkúnd der wârhait aller der vorgeschribenen dinge vnd vergiht so habent wir die vorgenemten phleger Bartholome Blârrer vnd Walther O^edler v´nserú insigel vnd dez vorgeschribenen hûs vnd der veltsiechen insigel an dem Linsibu^el gehenkt an disen brief. Der geben ist ze sant Gallen an sant Johans abent dez To^vffers ze sunnwenden in dem jâr, do man zalt von Cristus gebúrt drúzehenhundert jâr, sibenzig jâr vnd darnach in dem vierden jâre.

Source Fulltext: Chartularium Sangallense IX, Nr. 5407, S. 80-81.