Ich^a) Johans von Sehen¹ ritter vnder lantuogt ze Thûrgo^vw vnd ze A^ergo^vw an stat mins herren grâf Růdolfs von Hap||spurg² vnd vogt ze Fro^vwenuelt³ tůn kunt vnd vergich offenlich mit disem brieue allen, die in sehent lesent oder ho^erent || lesen, daz ich von haissenns wegen dez obgenanten mines herren von Hapspurg, dez lantuogtz vnd mines herren ra^eten v´berain || komen bin von miner herren wegen der . . hertzogen von O^esterrich mit dem . . burgermaister dem amman dem rât vnd mit den . . burgern gemainlich der stat ze sant Gallen, daz ich inen vnd allen iren helffern, wer die sint, vollen vnd gantzzen gewalt geben han vnd gib mit disem brieue, daz sú alle scha^edlich lút vff dem lande in der obgenanten miner herren grâfschaft, ez sient diep strâssro^eber morder ka^etzzer oder ander scha^edlich lút, vahen mugent vnd in ir stat ze sant Gallen fu^eren, mit den gedingen, daz sú den oder die selben scha^edlichen lút, die sú danne geuangen hant, her v^s vss ir fridkraisse ainem vogt von Fro^vwenuelt oder ainem sinem vnder vogt, der o^vch den gewalt hât, fúr in stellen súllent vnd die da vor im verrehten. Vnd wenne o^vch die selben von sant Gallen nâch ainem vogt von Fro^vwenuelt schikkent, daz er zv^o in komi vnd in rihti, wenne er in danne von ainem rihtet oder von mêr, daz sú im danne von der selben ieklichem besunder, v´ber die er in danne rihtet, vier guldin schenken sont, vnd sont im o^vch darzv^o die zerung geben, die er danne vngeuârlich verzêrt mit vier pha^eriten oder mit sechsen. Wa^er aber, daz ez ainem vogt alz sorgklich ze ritenn wa^er, daz er mêr gewaffenter lút mit im bedorfti, den kosten vnd die zerung sont sú im o^vch v^srihten nâch dez râtes ze sant Gallen erkantnust. Wa^er aber, daz sú den oder die, die sú geuangen hettint, niht verrehtotint oder verrehten mo^ehtint, so sont sú ainem vogt von Fro^vwenuelt von der selben ieklichem besunder, die sú danne niht verrehtotint oder verrehten mo^ehtint, zehen guldin ze pên veruallen sin vnd die zerung, die er danne verzêrt, alz vor ist beschaiden, vnd sont danne miner hêrschaft vnd dem vogt da mit gebessrot hân, also daz sú in darumb niht fúrbaz zv^o sprechen sont noch schadgen. Bescha^ech o^vch, daz sú ainen oder mêr vff dem lande vahen wo^eltint vnd sich der oder die niht wo^eltint lassen vahen, won daz man sú schlahen mu^est, stirbet der oder die, mag denn der oder die swêren, die den tôtschlag getân hânt, daz sú den oder die gern geuangen hettint vnd sú durch můtwillen niht geschlagen habent, so sol der oder die, die danne den tôtschlag getân hant, ir sie vil oder wenig, miner herschaft noch ainem vogt niht fúrbaz bessren, dann alz ob ainer vnder in den tôtschlag getân hett, vnd sol die selb bessrung niht mêr sin dann von ieklichem besunder, die sú danne also ze tôt schlu^egint, vier guldin. Bescha^ech o^vch, daz sú ieman viengint vff dem lande vsserhalb iren fridkraissen, daz scha^edlich lút wa^erint, ez wa^erint fro^vwen oder man, die alz vil niht getân hettint, daz sú in den lip mit dem rehten niht an gewinnen noch ab ertailen mo^ehtint vnd die sú doch von iro vnrehter getât wegen niht gern vngestrâft wo^eltint lassen, daz sont sú an ainen vogt von Fro^vwenuelt bringen, vnd ist, daz in der ez erlo^vbet, so mugent sú den oder die wol blenden, vnd sont aber da von niht mêr veruallen sin dann von ir ieklichem, die sú danne blendent, vier guldin. Vnd ist diz alles beschehen vntz an miner hêrschaft von O^esterrich oder ir lantvogtes widerru^effen vnd o^vch vntz an der von sant Gallen widerru^effen. Vnd ze vrkúnd der wârhait aller der vorgeschribenen dinge vnd gedinge so han^b) Johans von Sehen ritter vnd vogt da vorgenemt min insigel gehenkt an disen brief. Der geben ist ze Fro^vwenuelt an dem na^ehsten ma^entag vor sant Johans tag dez To^vffers ze sunnwenden in dem jâr, do man zalt von Cristus gebúrt drúzehenhundert jâr, sibenzig jâr vnd darnach in dem vierden jâre.

Source Fulltext: Chartularium Sangallense IX, Nr. 5405, S. 79-80.