Wir Ludowig von gotes genaden Romischer cheiser ze allen ziten merer dez rychs veriehen offenlichen an disem || brief vnd tv^on chunt allen den, die in ansehent oder ho^erent lesen, wan wir bewiset sint, daz vnser liebe getrewe die || burger vnd div sat^a) zv^o sant Gallen die friheit vnd die genade von vnsern vorfarn Romischen chunigen habent, || daz wir si nicht von dem rich versetzen, verchouffen noch enphro^emden sullen vmbe dheinerley sache¹, haben wir widerru^effet vnd widerru^effen och mit disem brief die satzunge², die wir vnsern o^eheimen hertzogen Albrechten vnd Otten von O^esterich getan haben an der selben stat zv^o sant Gallen, vnd wellen in die friheit fúrbaz also behalten vnd sta^ete beliben vnd si nicht versetzen noch verchouffen hinnan hin von dem rich. Vnd dar v´ber ze vrchivnde geben wir in disen brief versigelten mit vnserm cheiserlichem insigel. Der geben ist ze Nu^erenberg, an dem nahsten mantag nach dem svnnentag Jubilate deo, do man zalt von Christes geburt drivzehenhundert jar, dar nach in dem einem vnd drizz[i]g[o]stem^b) jar, in dem sibentzehenden jar vnsers richs vnd in dem vierden dez cheisertv^omes.

Source Fulltext: Chartularium Sangallense VI, Nr. 3458, S. 114.