Ich^a) Albr. von Bussnang¹ frye lantrichter in Thurgew von des hochgebornen edlen fúrsten wegen hertzog Lútboltz von O^esterrich² mines gna^edigen herren vnd an siner statt tůn kunt offenlich mit || disem brief allen den, die in ansehent oder ho^erent lesen, das fúr mich komen sint ze dem Gra^vwenstein³ vff dem lantag an dem nechsten frytag nach sant Martis tag, da ich offenlich ze gerichte || sas, der erbern wisen lúten der burgern ze sant Gallen erberen botschaft vnd zo^vgte da vor mir in gericht die gnade vnd die fryheit, die sú von langen ziten her von keisern vnd von kúngen || gehept habent, vnd sunderlich zo^eigten si vor gericht einen brief, der versigelt ist mit des Ro^emschen kúnges Wenczlaw magestat insigel, dar an er inen die selben ir gnad vnd fryheit fúrbasser gegeben gemeret vnd besta^etigot hette, vnd stat der selb brief von wort ze wort geschriben also: Es folgt der Text von Nr. 5656.||
Vnd do der brief also gelesen vnd verho^ert wart, do baten inen der selben von sant Gallen botschaft erfarne an einer vrteil, ob die burger gemeinlich von sant Gallen vnd ir ieklicher besunder der selben ir gnade vnd fryheit, die inen also gemeret vnd gebessret ist, icht billich geniessen so^ellent. Do fragte ich vrteil vmb vnd ward o^vch erteilt mit rechter vnd mit besamnoter vrteil einhellklich vff den eid, das die vorgenanten burger gemeinlich von sant Gallen fro^vwen vnd man vnd ir ieklicher insunders, ir sye lútzel oder vil, der selben ir gnade vnd fryheit, die inen also besta^etigot gebessret vnd gemeret ist, billich geniessen so^ellent vnd das si o^vch da bi beliben súllent in aller der wise vnd masse, als vorgeschriben stat, ane alle geuerde. Vnd dar v´ber ze warem offenn vrkúnde der warheit so gib ich inen disen brief versigelt mit des landgerichtes in Thurgew anhangendem insigel, als mir mit gesamnoter vrteil erteilt ward. Dis beschach vnd wart diser brief geben ze dem Gra^vwenstein an dem obgenanten lantag, do man zalte von gottes gebúrte drúzehenhundert vnd sybenzig jaren vnd dar nach in dem núnden jare.

Source Fulltext: Chartularium Sangallense IX, Nr. 5751, S. 421-422.