Wir Karl von gotes gnaden Romischer keiser zu allen zeiten merer des reichs vnd kúng zu Behem embieten dem || burgermeister rat vnd burgern gemeinlich der stat zu sante Gallen vnsern vnd des reichs lieben getre||wen vnser genad vnd alles gut. Lieben getrewen, wir heissen vnd gebieten euch ernstlichen vnd vesticlichen bey || vnsern vnd des reichs hulden, das ir die vertyge vnd auch die hewrigen stewre, die ir vns pflichtig seit zu geben, dem hochgeborn Friderichen pfalczgrauen bey Reyn vnd herczogen in Beyern³ vnserm lieben ohem vnd fursten geben vnd beczalen sullet ane allerley widerrede. Wenn vns derselbe vnser oheim geredt vnd gelobt hat, das er sich mit Rudger Manes von Zurich⁴ vmb sulche stewre, die wir ym vorschriben haben, genczlichen richten wollen, vnd wenn ouch ir das getan habit, so sagen wir euch sulcher vertigen vnd hewrigen stewre quijt ledig vnd los. Mit vrkund dicz bri^eues versigelt mit vnser keiserlichen maiestat ingesigel. Der geben ist zu felde vor Vlme⁵ nach Cristus geburte dreiczenhundert jar, dornach in dem sechsvndsibenczigstem jare, des nehesten dinstages nach sante Michels tage, vnser reiche in dem eynvndreisigsten vnd des keysertums in dem czweivndczwenczigstem jaren.

Source Fulltext: Chartularium Sangallense IX, Nr. 5536, S. 210.