Allen dien, die disen brief sehent alder hêrent lesen, kûnden wir her Herrn an von Montfort¹, korherre und sênger ze Kur, und V^olrich von Montfort, ritter, gebrůder, das wir mit gůtem rate und mit gůter vorbetrahtunge aines wehsels ûberain komen siin mit dem erwirdigen herren abte Eglolf² und mit dem convent des gotzhuses ze Phevers also, dz wir im geben habin Angnesun^a), Hainr. des vischers³ tohter, V^or. des Beringen⁴ wip und ir kint, die unser aigen waren, umbe Willehalmen^b) Berhtun sun, Cůnr. des drêhsels⁵ wip und sinú kint, und verzihen ûns alles des rehten, so wir ald ûnser erben an die vorbenenntten^c) Agnesun und irù kint hatten alder haben solten. Und dz dis war und stête belibe, so geben wir disen brief besigelt mit ûnser baider insigel. Dierre brief ist geben, do man zalte von Cristes gebúrte drúzehenhundert jar, darnah in dem nun und zvainzigostem jare, an sant Johannes tage des toufers.

Source Fulltext: UB der südl. Teile des Kantons St. Gallen II/7, Nr. 1295, S. 421.