In nomine domini, amen. Nos Chůnradus¹ dei gratia abbas» totusque «conventus monasterii Fabariensis²* universis Christi fidelibus presencium inspectoribus» salutem cum «noticia * subscriptorum». Ne «acta hominum», que fiunt in tempore cum eodem labantur, poni solent in lingua testium et scripture solent «memori»e commendari. Noverint ergo universi, quos nosce fuerit oportunum «quod» controversia orta inter nos ex una et hospitale seu procuratores hospitalis «pauperum in Rap»pres«swil»e² ex parte altera super possessionibus bonorum spectancium ad villam Bůzkilch³ et specialiter super ortis^a) seu hiis possessionibus, que cum inculte fuerant in vulgari dicebantur gemeinmerke^b), quas possessiones unas^c) cum aliis, que super hoc^d) confecto in instrumento conscripte sunt, dictum «hospitale et sui procuratores» se a venerabili in Christo pie recordacionis Chůnrado⁴ quondam abbate Fabariensi² nostro predecessore «pro XI marcis argenti» comperasse asserunt. Habita inter nos et predictum hospitale seu procuratores ipsius de prudentum super hoc convocatorum virorum consilio composicione amicabili extitit quietata et finaliter hoc modo determinata, quod prefatum hospitale dictas in Bůzkilch³,de quibus orta fuerat questio, possessiones sicut et alias ibidem possessiones singulas, ut predicto in instrumento tacte sunt, totaliter possideat pleno usu, reservatis tamen nobis possessionibus illis, que specialiter nostre camere coadherent, hoc «adiect»o pacto, «quod» sepefatum «hospitale * singulis annis in vigilia assumpcionis beate» virginis tres libras «cere» de novo institutas et unam de antiquo camere nostre persolvere non obmittat nec pretermittere^e), dum enim quin etiam nobis plenum ius patronatus ecclesie Bůzkilch³ totaliter observemus. «Appossitum est etiam, si alicuius^f) casu destructionis sepefatum hospitale ad ni*hilum devenerit», predicte «possessiones» singule «ad nostrum monasterium * libere et absolute» sine «contradictione qualibet * revolventur». In cuius rei testimonium presens instrumentum predicti hospitalis sigilli est munimine roboratum. Acta sunt hec apud Rappresswile⁵ presentibus hiis testibus: domino . . dicto Hardegge⁶, domino R. plebano in Rappresswile⁵, domino H.||
de Bůskilch³ sacerdote, domino V^ol. rectore ecclesie in Walde⁷, domino Albero de Vricon^g)8 milite, domino C. dapifero, C. advocato dicto Cimicon⁹, Wern. de Rambach¹⁰, Johanne dicto Gamlenstein¹¹, R. de Hasla, C. dicto Banwart, R. cellerario in Tuggen¹². Datum anno domini M°C°C°LX°X°X°X° in vigilia nativitatis beate virginis, indictione XII.

Source Fulltext: UB der südl. Teile des Kantons St. Gallen II/1, Nr. 806, S. 37-38.