Allen den, die disen brief sehent, lesent oder ho^erent, kunden vnd vergiehen || wir Ru^odolf von gotes willen apt des gotzhvs ze Visschinun¹, das || her Johans von Wintherthur² vnsers gotzhus camerer den wingarten || ze Bethwisen³, den er erbuwen hat von ruhem velde ald noch buwet, vnder dem Tobel wingarten⁴ sol han vnd niessen vmbe ain viertal kernen Wiler⁵ messes alle die wile vnd er lepte, fur den zehenden, der von dem selben wingarten gat, von dem gotzhus von sant Gallen vnd nicht furbas. Vnd vergiehen fur vns vnd fur alle vnser nachkomen, das wir noch kain vnser nachkome noch vnser gotzhus noch vnsers gotzhus closter herren kaine ansprache haben ald iemmer gesprechen mugen an den selben zehenden ze Bethwisen von dem vor genamten wingarten, wan das der selbe zehenden gevallet an die kirchen ze sant Peter ze Wile⁶ nach des vor genemten hern Johansen von Wintherthur tode, an alle wider rede. Vnd dar vmbe ze ainem waren vrkunde so geben wir apt Růd. da vor genemte disen brief besigelten mit vnserm insigel. Dirre brief wart geben ze Visschinun, an der naechsten^a) nach sant Vrbanes tag, do man zalt von gotes geburte druzehen hunder^b) jar vnd zwainzig iar, dar nach in dem ersten jar.

Source Fulltext: Chartularium Sangallense V, Nr. 3123, S. 406.