Allen den, die disen brief an sehent, kvnden vnd vergiehen wir baide Hainrich der Ome¹ vnd Burkart von Ain||wille², das wir ze lo^esent sulen geben, swenne vns vnser herre apt Hiltpolt apt ze sant Gallen³ ald sin nach||komen gebent ald er vns git sehs phunt phenning(e)^a) gaeber Costentzer, V^olrich den Physter von Oberndorf⁴ vnd || Lugart sin elich wirten vnd irv kint vnd des selben V^olrichs gůt, vnd swenne wir gewert werden der sehs phunt phenning(e)^a), so ist der selbe V^olrich vnd Lugart vnd irv kint vnd sin gůt ledig, stirbet aber der selbe V^olrich vnd wirt vns von erbe sehs phunt, so ist er vnd sin wirten vnd sinu kint vnd sin gůt ledig, swas och von erbe mer danne sehs phunt werdent, das sulen wir tailen mit vnserm herren apt Hiltp. ald mit sinen nachkomen, ob er enist, wirt och minder von erbe danne sehs phunt, das sulen wir ab schlahen ab den sehs phunt phenning(e)n^a), dar vmbe vns der selbe V^olrich der Physter vnd Lugart sin elich wirte^b) vnd irv kint vnd sin gůt redlich vnd recht versetzzet sint ze ainem gewerten phande. Vnd das das war sige, dar vmbe so geben wir baide disen brief besigelten mit vnseren insigeln. Dirre brief wart geben ze sant Gallen, an dem maentag ze ingaenten brachhot, do man zalt von gotes geburte drvzehen hundert iar vnd dar nach in dem ain vnd zwainzegosten jar.

Source Fulltext: Chartularium Sangallense V, Nr. 3125, S. 407.