Allen^a) den, die disen brief ansehent lesent oder ho^erent lesen, tůn wir die nachgenempten Burkart von Ramswag, V^olrich || vnd Burkart sin sún kunt vnd veriehen offenlich mit disem brief, als wir vnd Hainrichwalther vnd Eberhart von Ramswag, || min des vorgenanten Burkartz brůder, nach ra^vt v´nser gůten frúnden vnd gesellen mit dem erwirdigen v´nserm gena^edigen heren || abt Georien von gottes genaden abt des gotzhus ze sant Gallen vnd mit dem selben gotzhus lieplich vnd gu^etlich gar vnd ga^entzlich berichtet sigint vmb alle die sto^ess vnd missehellung, so wir mit im ie gehept habint von der festi wegen Blatten vnd von aller ander sachen vnd sto^ess wegen vntz vff disen hútigen tag, als dirre brieff geben ist, als der brieff¹ wiset vnd sait, den wir im darumb geben habent, dz wir da mit gůter vorbetrachtung vnd beschaidenhait mit wolbedachtem sinne vnd můt dem vorgenanten vnserm herren abt Georien vnd sinen nachkomen zů des selben gotzhus handen ingeben vnd ingesetzet haben ze merer sicherhait vnd gew´shait der selben richtung vnsern tail der vorgenanten burg Blatten vnd alle die nútz vnd gu^eter, so wir ze lipding haben vsser den gu^etern ze Rumesharn² ze Hútteswile³ ze Gossow⁴ vnd ze Kilchberg⁵ oder wa es gelegen ist, die wir von dem selben gotzhus ze lipding habent, also mit der beschaidenhait geding vnd in dem rechten, bescha^ech, dz got nút welle, dz wir alle oder dehainer vnder v´ns die selben richtung stuk vnd artikel, so an dem selben brief von v´ns geschriben stand, mit dehainen sachen úberfu^eren vnd nút sta^et liessent vnd dz kuntlich gemachet wrde oder werden mo^echt mit drin erberen mannen an alle geua^erd, dz dann v´nser tail der vorgenanten burg Blatten vnd die vorgenanten gu^eter vnd lipding mit lút mit gu^etern mit allen rechten nútzen vnd gewonhaitan vnd mit aller zů geho^erd vnserm vorgenanten herren abt Georien sinen nachkomen vnd dem selben gotzhus ze sant Gallen ga^entzlich vnd gar ledig vnd los von vns vnd von allen vnsren erben sin vnd wesen sol, also dz wir noch dehainer v´nser erben noch nieman ander von v´nser wegen v´nsern vorgenanten herren abt Georien sin nachkomen noch dz vorgenant gotzhus an dem selben v´nserm tail der egenanten burg Blatten gu^etern noch lipding dannanhin niemer sumen ierren noch bekrenkken súllint weder mit gericht noch an gericht noch mit dekainen andren sachen bi dem aid, so wir hierumb gesworn haben. Vnd des ze warem vrkund so haben wir die vorgenanten Burkart von Ramswag, V^olr. vnd Burkart sin ehchen sún v´nsrú insigel gehenkt an disen brief. Der geben ist ze Bischoffcelle in der stat, do man von Cristi gebúrt zalt drúzehenhundert jar, sibentzig jar, darnach in dem fúnften jare, an dem na^echsten fritag vor sant Martis tage.

Source Fulltext: Chartularium Sangallense IX, Nr. 5479, S. 148-149.