Wir^a) die nahgenempten Cůnrat von Sal schulthass ze Wintherthur¹, Agnes sin elichi wirtinne Wetzel Schulthaissen sa^eligen elichi tohter, Vrsulla, Agnes vnd Margaret || iro baider elichen tohtran veriehent vnd tůnd kund mit disem brief allen den, die in sehent lesent oder ho^errent lesen, das wir a^ellú gemainlich vnd vnuerschaidenlich || von dem erwirdigen vnserm gna^edigen herren Cůnen von gottes gnaden abt des gotzhus ze sant Gallen² enpfangen vnd ingenomen habent hundert pfund || gůter alter haller, die er v´ns bar gewert vnd bezalt ha^vt, da mit wir vnsern fromen vnd nûtz geschaffot haben. Vnd darvmb so haben wir a^ellú gemainlich mit gůter vorbetrahtung vnd beschaidenhait nah vnser frúnd vnd andrer erber lút ra^vt vnd vnderwisung dem vorgen(empten) vnserm gna^edigen herren abt Cůnen sinen nahkomen vnd dem selben gotzhus ze sant Gallen aines rehten redlichen ewigen vnd vnwiderru^effenclichen ko^vffes ze ko^vffen geben vnd geben im mit disem brief fúr v´ns vnd fúr alle vnser erben vmb die vorgeschribnen hundert pfund haller dis nahgeschribnen lút vnd gu^eter mit lib mit gůt mit hus mit hof mit hofraiti mit allen den rehten nútzzen vnd gewonhaiten, so von reht vnd von gewonhait darzů vnd darin geho^errent, wa die gelegen sint oder wie die genempt vnd gehaissen sigint, die von im vnd dem selben gotzhus vnser gemain lehen sint vnd mich die vorgenempten Agnesen des vorgenampten Cůnratz von Sal elichi wirtinnen von Albrehten von Lindenberg³ sa^eligen minem lieben o^ehen von gema^echtz wegen an erstorben sint. Vnd sint das die lút Ru^edi Geriner vnd sinú kind ha^elbú, Dietrich den Haider sin wip vnd irú kind, Růdolf der^b) Haider, den man nempt der Motsch, vnd sinen brůder vnd irú wip vnd kind vnd ir swo^estran Iten vnd den hof ze Hertenberg⁴. Vnd haben o^vch die vorgen(empten) lút mit lib mit gůt vnd och den vorgenanten hof mit allen rehten nútzen vnd gewonhaiten vnd mit aller zůgeho^erd vnserm vorgen(empten) herren abt Cůnen an sind hand zů des vorgen(empten) sines gotzhus handen vff geben vnd geuertgot vnd zů sinen handen braht vnd in liplich gewer gesezt, als reht sitt vnd gewonlich was, vnd habent v´ns o^vch darv´ber verzigen vnd verzihen v´ns mit disem brief ellú gemainlich vnd vnuerschaidenlich fúr v´ns vnd fúr alle vnser erben vnd nahkomen gen vnserm vorgen(empten) herren abt Cůnen gen sinen nahkomen gen dem selben gotzhus ze sant Gallen vnd och gen den vorgen(empten) lúten vnd gu^etern allen gemainlich vnd gen ieklichem besunder aller aigenschafft aller lehenschafft aller manschafft aller gewer aller kuntschafft aller besatzzung aller zúgnust lút vnd brief, so wir ietz habent oder hernach iemer me funden werdent, alles gaistlichen vnd weltlichen rehten vnd gerihtes aller vordrung vnd ansprach, so wir a^ellú gemainlich oder dehaines besunder vnder v´ns zů den vorgenampten lúten allen gemainlich oder zů dehainem besunder zů ir lib ald zů ir gůt oder zů dem vorgeschribnen hof ze Hertenberg ietz gehebt habent oder hienach iemer gehaben gewinnen oder erwerben mo^ehtin von reht von gewonhait oder von dehainen andren sachen. Vnd ze offnem vnd warem vrkúnd vnd sta^eter sicherhait aller vorgen(empter) ding han ich Cůnrat von Sal schulthaiss ze Winterthur min aigen insigel fúr mich vnd fúr alle min erben offenlich gehenkt an disen brief. Vnd won wir die vorgen(empten) Agnesa des egedahten Cůnratz von Sal elichi wirtinne, Vrsulla, Agnes vnd Margaretha iro elichen tohtran aigner insigel nút enhabin, so hand wir ernstlich gebetten die wisen wolbeschaidnen den schulthaissen vnd den ra^vt ze Winterthur der statt gemainlich, das si des ra^vtz insigel ze Winterthur fúr v´ns gehenkt hand an disen brief. Darnach veriehent wir der schulthaiss vnd der ra^vt gemainlich der statt ze Winterthur, das wir von ernstlicher bett wegen der ersamen frowen Agnesen Cůnratz von Sal schulthaiss da vorgen(empt) elichen wirtinnen, Vrsullen, Agnesen vnd Margarethen ir elichen tohtran vnsers ra^vtz insigel zů ainer zúgnust^c) der warhait aller vorgen(empter) ding fúr sú gehenkt haben an disen brief, won sú aigner insigel nút enhand, doch v´ns vnd vnser statt ze Winterthur vnscha^edlich. Geben ze Wintherthur an dem na^ehsten ma^entag nah vnser frowen tag ze herbst in dem jar, do man zalt von Cristi gebúrt tusent drúhundert ahtzig vnd siben jar.

Source Fulltext: Chartularium Sangallense X, Nr. 6205, S. 409-410.