Wir^a) Walther von gottes verhengnúst abt vnd der couent gemainlich des gotzhus ze sant Johann || in Thurtal¹ sant Benedicten ordens in Costentzer bistum gelegen veriehen vnd tůnt kund aller||menglichem mit disem brief, daz wir wissentklich vnd wolbedahtklich gemainlich mit ainhelli||gem ra^vt v´nsers capitels redlich vnd recht fúr v´ns vnd fúr alle v´nser nachkomen vnd och fúr daz obgenant v´nser gotzhus ains ewigen vnwiderru^eflichen rechten kofs verkoft haben die erbern tohtran Annen wilent Cůnrat des Guntzenbachs sa^elgen burgers ze Wil² elich tohter vnd Elsbethen Kilchouerinen ir elich swester wilent Peters Kichouers sa^elgen och burgers ze Wil elich tohter mit lib vnd mit gůt vnd mit allen rechten vnd zůgeho^erden, die v´nser vnd v´nsers obgenanten gotzhus recht aigen warent, vnd haben ze koffent geben dem erwirdigen fúrsten v´nserm gna^edigen herren Cůnen von gottes gnaden abt des gotzhus ze sant Gallen³ des vorgeschribnen ordens in dem obgenanten bistum gelegen vnd allen sinen nachkomen vnd och demselben sinem gotzhus vmb fúnf vnd zwaintzig pfund alles gůter vnd gena^emer Italiger haller, dero wir och gantzlich vnd gar nach v´nserm willen von den obgenanten Annen vnd Elsbethen geswestran von des obgenanten gotzhus ze sant Gallen wegen gewert vnd bezalt sint an den stetten, da wir v´nsern vnd v´nsers gotzhus vnlidigen wahsenden schaden mit verkomen haben. Vnd haben im dieselben tohtran baid mit lib vnd gůt vnd mit aller zůgeho^erd ledklich vnd frilich fúr recht aigen vfgeben vnd zů sinen vnd sins obgenanten gotzhus handen vnd wegen braht vnd geuertgot, alz recht sitt vnd gewonlich was, vnd in derselben tohtran in gewalt vnd in gewer gesetzt, wie er vnd sin gotzhus dar an billich habent sint vnd alz dis billich von recht vnd von gewonhait kraft ha^vt nu vnd hernach. Vnd haben v´ns och hier úber ainhelleklich wissenklich vnd wolbedahtklich ledklich vnd frilich gegen dem obgenanten abt Cůnen v´nserm herren vnd gegen allen sinen nachkomen vnd och gegen dem obgenanten sinem gotzhus verzigen vnd verzihen vnd entweren v´ns redlich vnd recht mit disem brief aller aigenschaft aller manschaft aller besatzung aller gewer aller kuntschaft aller zúgnúst lút vnd brief aller dienst vnd stúr alles erbs va^ell vnd gela^ezz aller rechtung alles rechten gaistlichs vnd weltlichs gerichts aller vordrung vnd ansprach, so wir ald v´nser nachkomen ald ieman andra von v´nsern ald von v´nsers gotzhus wegen zů den vorgeschribnen Annen vnd Elsbethen geswestran mit lib vnd mit gůt vnd mit aller zůgeho^erd ie gehatten ald hernach iemermer gewinnen ald ewerben^b) mo^ehten von recht ald von gewonhait ald von hainerlai andren sach wegen, so ieman erdenken kan, luterlich a^vn geua^erd. Wir so^ellent vnd gelobent och mit disem brief fúr v´ns vnd fúr alle v´nser nachkomen, die wir vesteklich herzů bindent mit disem brief, vnd och fúr daz obgenant v´nser gotzhus, des obgenanten abt Cůnen vnd siner nachkomen vnd och sins gotzhus der vorgenanten Annen vnd Elsbethen geswestran mit aller zůgeho^erd fúr recht aigen vnd och dis kofs recht wern zesint nach dem rechten gen allermenglichem vf gaistlichem vnd vf weltlichem gerichten, wenn wa ald wie dik sin der vorgenant abt Cůno ald sin nachkomen ald daz vorgenant sin gotzhus ald die vorgenanten geswestran bedurfent vnd noturftig sint, a^vn geua^erd. Vnd des alles ze offem vrkúnd der warhait so haben wir abt Walther vnd gemainer couent des gotzhus ze sant Johann da obgenant v´nsrú insigel fúr v´ns vnd fúr alle v´nser nachkomen offenlich gehenkt an disen brief. Der geben ist in v´nserm obgenanten gotzhus an der na^ehsten mitwochen vor sant Bartholomeus des hailgen zwelfbotten tag, do man zalt von Cristus gebúrt drúzehen hundert vnd ahtzig jar, dar nach in dem sibenden jar.

Source Fulltext: Chartularium Sangallense X, Nr. 6200, S. 403-404.