Allen^a) den, die disen brief ansehent oder ho^erent lesen, kúnd ich Hainrich Ru^edlinger burger ze Frowenveld¹ vnd vergich offenlich mit disem | brief, daz ich || von^b-) miner kumberhafti wissentklich vnd wolbedahtklich fúr mich vnd fúr alle min erben redlich vnd recht^-b) verko^vft ha^vn die erbern lút Johansen || Rietikon von Hennow² Hainrichs Rietikons elichen sun vnd Annen wilent Hainrich Eggers sa^elgen elich^c) tohter des egenanten Johansen Rietikons || elich můter mit lib vnd mit gůt vnd mit allen rechten gewonhaiten vnd mit aller zůgeho^erd, dieselben lút min recht lehen warent von dem erwirdigen fúrsten minem gna^edigen herren abt Cůnen^d) von gottes gnaden des gotzhus ze sant Gallen³ vnd von demselben sinem gotzhus, vnd ha^vn ze koffent geben demselben abt Cůnen des gotzhus^e) ze sant Gallen vnd allen sinen nachkomen zů desselben gotzhus handen vmb aht pfund pfen(ning) alles gůter vnd gena^emer Costentzer múns, dero ich och aller gantzlich vnd gar von im bezalt bin an den stetten, da ich minen fromen mit geschaffot ha^vn, vnd ha^vn im wissentklich vnd wolbedahtklich fúr mich vnd fúr alle min erben dieselben lút mit lib vnd mit gůt vnd mit aller zůgeho^erd ledklich vnd frilich an sin hand vffgeben vnd send im si och redlich vnd recht vff mit disem brief, vnd ha^vn im dieselben lút zů sinen vnd zů siner nachkomen vnd zů des obgenanten^f) gotzhus handen braht vnd geuertgot vnd si dero in nutzlich liblich gewer gesetzt, alz recht sitt vnd gewonlich was vnd alz es billich vnd von recht kraft ha^vt vnd haben sol nu vnd hernach, a^vn alle geua^erd. Vnd ha^vn mich och hierúber^g) gegen demselben abt Cůnen minem gna^edigen herren gegen allen sinen nachkomen vnd och gegen dem obgenanten sinem gotzhus ledklich vnd frilich verzigen vnd verzich mich och redlich vnd recht mit disem brief fúr mich vnd fúr alle min erben der obgenanten lút mit lib vnd mit gůt vnd mit aller zůgeho^erd vnd dar zů aller aigenschaft aller lehenschaft aller manschaft aller kuntschaft aller besatzung aller gewer aller zúgnúst lút vnd brief als^h) erbs aller va^ell vnd gela^ezz aller dienst aller gewaltsami aller rechtung alles rechten aller vordrung vnd ansprach alles fúrzugs vnd vsszugs vnd aller andren sachen vnd geua^erden, dar mit ich ald min erben ald ieman andra von v´nsern wegen dieselben lút nu ald hie nach kúnden ald mo^ehten angesprechen ald dar mit wir wider disen ko^vfⁱ⁾ vnd sach in dehain wis ald weg kúnden ald mo^ehten gereden ald getůn^k), a^vn geua^erd. Ich sol vnd geloben och mit disem brief fúr mich vnd fúr alle min erben, die ich vesteklich her zů bind, der obgenanten lút mit aller zůgeho^erd vnd dis kofs des obgenanten abt Cůnen vnd siner nachkomen vnd och des obgenanten sines gotzhus recht wern ze sint nach dem rechten gen aller menglichem vf gaistlichem vnd vf weltlichem gerichten, wenn wa ald wie dik sú^l) ald dieselben lút des bedurfent vnd noturftig sint ald dar vmb mit dem rechten vffgetriben^m) ald angesprochen werdent, daz wir si dar vmb verstanⁿ⁾ vnd versprechen vnd von der ansprach entrihen vnd a^vn ir schaden ledig machen sont, a^vn geua^erd. Vnd des alles ze offem vrkúnd der warhait so ha^vn ich Hainrich Ru^edlinger da obgenant min insigel fúr mich vnd fúr alle min erben offenlich gehenkt an disen brief. Der geben ist an der na^ehsten mitwochen nach dem hailgen ostertag^o), do man zalt von Cristus gebúrt drúzehenhundert vnd ahtzig jar, dar nach in dem ahtenden jar.

Source Fulltext: Chartularium Sangallense X, Nr. 6259, S. 494-495.